|
序幕
少年：个月光好靓呀！
妇女：星仔，每逢个月光咁靓嗰阵，你向佢许个愿哩，一定会心想事成嘅。
少年：真的？
妇女：系呀。
少年：月光月光，我求吓你保佑我大个一定要做官架。我要做个清官，捉晒啲贪官同埋坏人。
正本
（衙门）
（一人击鼓，破烂的“公正廉明”被震得掉灰尘）
众人：喂……不要那么用力，喂……不要那么用力，牌匾要跌下来啦。
有为：出手不要那么重呀，边位大佬咁早晨嗱。
方唐镜：烂鼓，烂匾，烂衙门，叫埋你个烂官出嚟。
有为：混帐！你竟敢侮辱我嚟大人？
方唐镜：区区一个九品架芝麻官，都值得我方唐镜去侮辱咩？
众人：啊！方唐镜……
方唐镜？广东第一状师“荒唐镜”？
方唐镜：呢张就系我架状词，我代表林员外控告黄老秋架老婆，喺林员外去佢屋企收租嗰阵，因为垂涎林员外架美色，所以意图强奸。
黄老秋：冤枉呀！系林员外藉口收租，想强奸我老婆至真嗱！
有为：大人去咗边呀？
一衙役：大人去咗你爷爷嗰度呀。
包家
包龙星：将军！
爷爷：嗯嗯……
包龙星：飞公再将。
爷爷：你飞公，我就食公喽。
包龙星：哎吖……
爷爷：哎吖，你冇以为你做官做得好叻呀。
包龙星：边够你嚟呀阿爹？
爷爷：喂，有冇记得我同你讲过，做官呢要清如水，廉如镜。
包龙星：阿爹，听讲你以前都系……
爷爷：系吖，我以前系贪官嗱。我个花名呢就叫做“挛都拗得直，死都拗返生”，因为我阴功事做得多，噉十二个大佬啊我一个都养唔到呀，搞到我呢年年白头人去送黑头人。真 系冇法子喇，我告老归田，将啲家产送晒出嚟做善事，噉样呀，至保返你一条命架仔。（转身回屋）所以我而家写咗个字畀你挂中堂。呢，就系廉洁架“廉”。
包龙星：横睇掂睇都分明系一个穷字嚟架㖞。
有为：十三叔啊！十三叔啊！大件事呀！大件事呀！十三叔！阿爷！
包龙星：咩嘢事干？
婆婆：嚟嚟嚟，食糖水，番薯糖水呀。嚟呀，好靓架煲得！九仔吖，食喇。
包龙星：我系十三呀，阿妈。
婆婆：乜我有生咁多个咩？喂，细路啊，你揾边个呀？
爷爷：我系你老公呀。
婆婆：哦哦，噉你呢？
有为：我系你个孙嗱，阿嫲。
婆婆：哦……哎唷……咁大个女嘞㖞。（对包龙星）老公呀，快啲食喇，咪冻喇。
包龙星：我系十三呀，阿妈。
有为：十三叔，今次我哋发达喇。”荒唐镜“就由佢哋屈，我嚟就喺中间执。
包龙星：好到非常呀！我咁贵买个九品官返嚟，都系为咗噉啫。
师爷：哈呣呣……
（包龙星头被点，只见爷爷一个虎鹤双行姿势）
爷爷：衰仔吖，叫你冇做贪官架嘞嘛，你噉都唔听？荒唐镜呀系广东架第一个状师嚟架，你想同佢哋斗？你谂都冇谂呀。
包龙星：得架嘞，我会架嘞，阿爹。我哋走。
有为：走嘞阿爷。
（转身跑，字掉下）
爷爷：阿仔呀，阿仔，你唔记得个字呀。
包龙星：个穷字留返畀你吖。
衙门
（升堂情景，堂下方唐镜摇着扇子，包龙星坐下，旁边是有为）
包龙星：企喺度做咩呀？
方唐镜：不才方唐镜，乃系前科举人，依例系唔需要跪嘅。
包龙星：你呢个刁民方唐镜，就专门挫弱扶强，雪中送屎……
有为：因住佢高中，做你上司呀。
包龙星：中就算嗱。我想教训你好耐架，老实讲。
方唐镜：哎，多谢，多谢，闻得大人令寿堂交游广阔，无论华洋黑白，一律照杀。大人逢人都叫契爷嘅工夫，在下都想领教咗好耐嘞。
包龙星：噉又冇咁客气，不过我老母确系好好客。
有为：唔系吖，即系话阿嫲做鸡呀。
包龙星：喂，噉你即系话我老母做鸡啫，系咪？
方唐镜：噉大人系边只眼见到在下，喺落雪嗰阵送嚿屎畀人家嗱？
包龙星：呢下只系形容阁下嘅为人。
方唐镜：噉在下亦都系形容大人架令寿堂为人友善啫。
包龙星：我都冇逢人嗌契爷呀，嗱，你分明呢……
方唐镜：呢层未知。不过黄老秋架妻子意图强奸林员外就证据确凿，请大人将佢定罪。
包龙星：佢老婆强奸佢？
黄老秋：冤枉呀，大人！林员外今乜嚟我屋企收租，调戏我老婆，我一返嚟就见佢捉住我老婆对手，重揿住佢喺张台度想强奸佢。我急起上嚟，咪揾个棍扑吓佢啰，点知佢啲家丁就即刻冲入嚟，捉住我啰。
包龙星：嗱，林志颖，你捉住人老婆只手，就分明想强奸人老婆至真嗱。
方唐镜：嗳，大人，你今乜好有官威，好有气势。
包龙星：系？
方唐镜：哎，重好面色添。
包龙星：都系咁上下啫。
方唐镜：系咪朱砂掌嚟呀？
包龙星：睇过。
包龙星：做咩呀你？
方唐镜：学大人话斋，捉住手就当强奸，我而家咪强奸紧大人啰？啊……啊……哈哈……坐埋一边睇我表演喇。其实就系林员外因为黄氏夫妇唔肯交租，而想收返间屋，噉黄氏夫妇唔单止抵赖，重想强奸埋林员外嚟到威胁佢，请大人明察。
黄老秋：唔系吖，大人。我哋间屋系林员外阿爹租畀我阿爹架，因为我阿爹救过佢阿爹，所以讲明年租三十两，我哋年年都有交租架。
包龙星：有冇租契呀？攞张租契睇吓。
方唐镜：有！
包龙星：咁细张“契仔”点睇呀？
方唐镜：“契仔”唔啱，重有张“契爷”，大人睇边张呀？
包龙星：契爷呀。
方唐镜：乖，大人都未必唔叫人“契爷”嘅。嗱，张“契爷”喺度，大声啲读出嚟呀。
包龙星：本人林大福，将大树街石屋租于恩人黄老十一家，未能报恩，万一不交租亦可，收回黄公年租银两三十，万不能转租别人，立此为据，本人儿孙不得有违。噉咪得啰，人哋话明唔交租都得架嘛，何况有交租，你边有得收屋呀？
黄老秋：我哋年年都交三十两架。
方唐镜：哎，乜卅两呀？卅万两至真嗱大人！
包龙星：哗……你讲咩？
方唐镜：大人你有冇读过书架？知你冇读过书架。等我嚟教吓你呀。应该噉读至啱呀，大人！
包龙星：石屋租于恩人黄老十一家，未能报恩，万一不交租，亦可收回，黄公年租银两三十万，不能转租别人……哗，噉嚟屈？
方唐镜：大人可以判案未呀？迟迟未判，系咪想收钱呀？三千两银票呢，就冇你份。呢张呀，你系值咁多啫。
包龙星：一两？
方唐镜：唔要悭返。
包龙星：冇呀！
方唐镜：快啲呀！判嗱！
（包龙新躲到师爷背后，使劲咬下去，师爷痛苦难奈）
包龙星：黄老秋欠人租金，责令即日搬出，将屋交返畀阿林志颖。至于你老婆想想强奸阿林志颖呢……
林员外：哎，强奸唔到，算啦。
方唐镜：林员外果然大人有大量。
林员外：告辞喇！
林老秋：冇阴功呀你！（痛哭）
方唐镜：契仔，我劝你呢早啲就返乡下耕田，学人做官？！盏有排你丢架。哼……哼……（冷笑）哈……哈……
街道
乡民一：戚家都有花轿嚟接新娘子㖞！
乡民二：肺痨鬼都有人肯嫁嘅？
乡民一：嗰个包龙星咁屎都可以做官咯，有咩事唔可以发生嗱？你话系唔系呀？嚟，饮茶呀。
衙门
有为：叔呀，叔，去边处呀？去边处呀？
包龙星：出去行吓啫。
有为：唔好唔好呀……
包龙星：点解呀？
（有为示意包龙新看门口，只见全是咒骂包龙星的条幅）
包龙星：实在太唔似样嘞。如花，你出去睇睇个情况。
（待如花走出大门）
包龙星：包大人出嚟喇。
（各式各样的蔬菜飞过来）
众人：掟死个狗官……掟死佢。
（如花被蔬菜淹没）
如花：有嘢呀大人。
包龙星：噉呀？行后门嗱。
有为：叔呀，安全，安全，出嚟，出嚟，没事，没事。
包龙星：行呀。
（包龙星差点掉进陷阱）
有为：小心！
包龙星：欢迎你仆街。
有为：唔知系唔系欢迎你㖞阿叔？
包龙星：点可能，我都唔系叫“你仆街”！
众人：仆街！
街道
（包龙星和有为乔装出来）
卖菜婆：随便睇，好靓架！慢慢拣，卖菜吖！（对路人）先生。帮衬买返两斤嗱，好靓架，啲菜。
包龙星：行咗两条街都冇事，睇嚟化妆真系掂架㖞。
卖臭豆腐：包大人，好靓油炸包大人，油炸包龙星呀。
路人：畀两件我呀。
包龙星：喂，兄弟，明炸臭豆腐啫，关包龙星咩事呀？
卖臭豆腐：包龙星呢个狗官，重臭过臭豆腐喇。
包龙星：讲嘢你真系？
卖臭豆腐：油炸包龙星呀。
（一人说书，众人涌过来）
说书：今日我讲嘅系包龙星惨畀数十大袋强奸。
（众人拍手）
路人：哎，今次呢个贪官都算抵死咯，畀人剥晒衫裤剥晒底……
包龙星：我个样系咪真系咁乞人憎咁讨厌吗？你话我听，你讲真话。
有为：系吖，有时望耐你少少，真系有啲想呕。
包龙星：做人嘅嘢讲真之余有少少保留好。（有为呕吐）
说书：话说呢呢个包龙星，畀人拖咗去泥浆度去打㖞，重塞佢食屎添嘛，佢食吓，食吓呢，又食得几过瘾㖞，（众人拍手）佢猛咁食，猛咁食，觉得好过瘾……
包龙星：我包龙星系咪同你哋个个都有十冤九仇嘅？我假假哋都系一个官。虽然唔系十分靓仔，都唔使噉样踩法架㖞。我死唔信件件都咁憎我，钟意我架人举手。
众人：走呀……
包龙星：唔高兴至多唔举手啫，叭叭声走晒，噉算点啫？（有为跑来）去晒边嗱你话嗰个？
有为：擸架撑。
众人：掟死佢，掟死佢……
包龙星：睇嚟大家都系针对我架咋。
有为：直情系吖。
包龙星：真失败！钱又贪唔到，搞到神憎鬼厌。我一定要好好教育下一代，因为儿童就系社会未来架主人翁，只要佢哋喜欢我，我就有希望。（一小孩路过）小朋友，小朋友，乖呀，哥哥惜。
小朋友：吐！
包龙星：你叫我点估得到，一个小朋友居然有咁大涿口水！（新娘迎亲队伍过来）
有为：唔系啩？戚家个肺痨鬼都有人肯嫁佢嘅？
包龙星：咪系？
（两人混进队伍，几江洋大盗冲过来，一捕快紧追不舍，打斗起来）
有为：好犀利㖞。
包龙星：喺我地头开片都唔通知声，有冇搞错呀？！
豹头：京城第一神捕“豹头”奉命捉拿四十大盗，挡我者死。
（打斗中冲乱迎亲队伍，包龙呆星看貌美如花的新娘……）
戚老：乜轿搞成噉呀？阿仔吖，快啲去接新娘喇。
包龙星：真系一朵鲜花插在牛粪上，会唔会今晚洞洞吓房佢老公突然间挂柴呢？
有为：挂柴嘞，你就可以执人一剂噉嘛？
包龙星：嗱，你讲过咋，我冇讲过呀。
（包龙星失望的看着新娘被背进戚家）
戚老：包大人。
包龙星：我唔系，我绝对唔系。老坑，你冇乱讲嘢，唔系我报官拉你架。
戚老：你唔使唔认嗱，我闻到你阵随吖。你大驾光临，我嚟戚家上下蓬荜生辉。
有为：十三叔呀，呢条老坑欣赏你，你要劏鸡还神嗱。
包龙星：你欣赏我咩呀？老坑。
戚老：哎吖，冇你啲贪官，我哋啲奸商边有得捞呀？
包龙星：自己嚟喇原来。
戚老：大人，畀少少薄面，入去饮返杯水酒哩？
包龙星：去咪去啰，嚟呀，行呀。
有为：畀封利市畀我哋㖞。
戚老：好……请。
戚家
画师：大家笑吓，开心啲呀。快架嘞，差少少咋。
包龙星：喂，老坑，你个仔咳得好紧要㖞。
戚老：冇事嘅，冇事嘅。
包龙星：唔好咳到甩肺得嘞，大佬。
戚老：冇事，冇事嘅。
包龙星：喂！咳嚿咩落嚟呀？（手中拿着肝）喂，膶嚟㖞！打甂炉呀，大佬？
戚公子：舒服晒。
画师：喂，好嘞，大家休息吓。
有为：喂，阿叔呀，人哋就拜堂嘞，无谓谂喇。
包龙星：乜无谓谂呀？拜拜吓堂累低唔得呀？正话咳到连膶飞埋出嚟够胆死。
有为：系咪膶嚟架？
包龙星：你话系咪呀？（把肝塞进师爷嘴巴，师爷吃了下去）
婉君：多谢。
常威：婉君表妹，恭喜你今晚娶心抱呀。
婉君：我哋做人后底乸嘅，都系戥人高兴架啫。
常威：系喇，表妹，听讲你收藏一本手抄架《华彦经》。畀我睇吓？
婉君：嗯……你行先喇。
（豹头追赶江洋大盗到戚家）
豹头：睇你班亡命之徒走得去边？
大盗一：豹子头，你靠把刀厉害咋嘛，够胆放低把刀。
豹头：好。
大盗二/三：上呀。
（大盗一被一掌打死）
大盗二：豹子头，你恃住双手厉害咋嘛，够胆冇用手。
豹头：好。
大盗三：喐佢呀。
（大盗二被一脚踢死）
大盗三：你恃住脚厉害咋嘛，你试吓手，脚，刀都唔用呀。
豹头：好。
（大盗三被狮子吼震七窍出血，酒席上的盘子全爆碎）
包龙星：哗！大声公咁犀利架。
戚老：杀死人嗱，快啲报官……
豹头：我就系官。
包龙星：噉我系咩呀？
豹头：本官就系天下第一神捕，京城六扇门中架第一高手，绰号豹子头--雷豹。呢几个江洋大盗，我追咗佢哋七日七夜，原来系你窝藏佢哋喺度。
戚老：大人，我真系唔知道呢件事架。
豹头：唔知佢哋会嚟饮？
戚老：大人，今日老夫架仔娶老婆，佢混咗入嚟，我都唔知道架！
豹头：真唔真嗱？
戚老：大人，你畀个胆我我都唔敢呃你呀。包大人，你话系唔系呀？包大人，你喺边度呀？包大人……
衙役：大人嗱，人哋踩过界我哋匿埋台底咪好冇面？
有为：唔使嘈，喺处抖吓凉咪几好。
包龙星：佢而家气势强，我专登壮大佢架胆先。等佢哩就容易做错嘢，会气势会转返弱。到其时哩我出其不意行出去煎佢架皮，拆佢架骨。（转头看见豹头）咩啫？我喺度研究点食乳猪，你都要偷听嘅？（被豹头扯住耳朵出来）
豹头：听讲你系呢度架官噃？
包龙星：冇错，系。
豹头：你一定系官民勾结，包庇江洋大盗，意图谋反。
有为：阿叔，佢啲屈功剩拍得住你㖞。
包龙星：嗱，既然大家同门师兄弟哩，（耳语）揾到几多两份分，至多我要大份，你要细份。
有为：我要晒。
包龙星：又得啫。有咩吩咐细佬做呀？嗱，好简单讲句呀，我今乜入嚟哩其实就系卧底，睇吓你哋有咩走私漏税杀人放火噉嘅。噉就天有眼喇，我同豹大人呢就里应外合，揭发咗你呢，就 系呢度杀人放火嘅幕后主使人。人嚟，拖佢返去。
戚老：大人，真系唔关我事呀，包大人，冤枉呀，信我呀，真系唔关我事呀。
包龙星：系噉话喇。
戚老：多谢……
包龙星：佢哋话一个时辰凑（筹）五万两过嚟，我哋重唔返衙门揾定两个红牌阿姑？
豹头：哼！两个点够呀？要二十个。哈哈……
衙门
豹头：哈哈……哈哈……
包龙星：大人，你企喺度等等。我去睇吓啲女嚟未？等等。
有为：嚟呀，嚟呀。
包龙星：点呀？到齐晒喇吓哗？快啲同我过去好好啲招呼豹大人，知吗？
（五男扮女装上前抱住豹头）
包龙星：哈哈，你条契弟，我包大人都够胆惹？你都算契弟呀你呀。
（豹头一声狮子吼，震开五人，冲上来追打二人，二人跑出后门，将豹头引进陷阱）
包龙星：包大人个仆街跌咗落个窿里便呀。
众人：掟死佢……
（蔬菜填进陷阱，豹头被擒，口被堵住，装在人型木盒里）
如花：抵你死呀！
有为：高手吓哗？哈哈……（将一只老鼠放进去）
包龙星：做咩呀你哋？玩嗱？我叫你做嘢，你摆老鼠落去咬人得架？豹大人，你唔使惊，我放条蛇入去帮你食晒啲老鼠佢。
有为：等埋我呀，阿叔。
街道
包龙星：行快步呀，天光喇，干烧伊面肯定冇希望食，红豆沙架咋。
有为：天光，有个橙定偷笑喇。
众人：包大人，包大人……（围上来）
包龙星：我唔系，我唔系，我唔系，大佬，我唔系。
带头人：包大人，咪行住呀。包大人，我哋知道你神威盖世，两三下手势就收服咗豹头，救咗戚家上下，我哋系代表戚家出嚟欢迎包大人你架，大家畀啲掌声。
众人：包大人好叻。（鼓掌）
带头人：包大人，不如咁多位街坊讲几句说话哩。
有为：讲句有水准啲架。
包龙星：干烧伊面食嘞未？
带头人：哎！包大人嗱，我哋连乳猪都未食架，特登留返只猪等包大人你返去慢慢食架。
（包龙星在众人的鼓掌中来到戚家）
戚家
有为：大家埋席。
戚老：多谢大人，大人你真系神机妙算嗱。
包龙星：冇客气，当系我送畀你架贺礼。
有为：老坑，你真系乳猪都未食呀？（一小孩扯包龙星辫子）
包龙星：喂，细路，又系你呀。又想吐口水呀？咪嚟呀，我喐你呀。
小孩：系送畀你嘅。（一朵鲜花，然后亲了包龙星一下）
包龙星：多谢。（转身对戚公子）你好好哋对老婆，如果唔系我就锁你架。重要保重身体，得闲食多两嚿膶。去洞房呀。
戚老：快啲洞房呀，去啰，去啰……
戚秦氏：我唔嫁畀你呀，我要嫁畀包大人。包大人……（扑过来）
包龙星：小莲，好呀！嚟呀，小莲！
师爷：喂喂，做咩，阿叔？靓仔靓女（目及）住。
包龙星：收。
三个月后
街道
打更佬：小心火烛！
（打更人听见狗叫来到戚家发现许多尸体，常威正在殴打来福，被常威踢晕，此时凶狗扑来撕咬，来福逃跑，凶狗被打死，常威追赶来福）
包龙星众人：诈肚痛，去屎坑排长龙，诈肚痛，……（巡夜）
打更佬：救命啊！救命啊！……（被常威暴打）
有为：咩事呀？
包龙星：上呀。
包龙星：（常威被抓起来）你哋咪喐，等我嚟。（常威挣脱）你哋嚟。（常威踢开包龙星）
有为：喂，阿叔，你唔得等我嚟吖嘛。
（5人用绳子勒住常威）
包龙星：冚家铲，我你都够胆耷？
来福：戚家冚家铲喇！戚家冚家铲喇！
（众人来到戚家，发现许多尸体，只有戚秦氏尚存）
包龙星：冇掂任何嘢。
衙门
（常威发狂一般大叫，一只脚伸进常威口中）
包龙星：大胆狗贼，你够胆喺度逞强？你咬呀，你出力咬呀。我唔怕嘅。
有为：十三叔，咪同佢癫嗱，睇住吓只脚好㖞。
包龙星：关我咩事呀？
有为：放咬，放咬呀。
包龙星：大胆犯人，你可知道……
常威：我咩都唔知道。
包龙星：你可明白……
常威：我咩都不知道呀。
有为：混帐，人嚟，大刑伺候。
包龙星：打啊。
常威：想打我？你啲噉嘅芝麻绿豆官想打我？你知唔知我系水师提督常昆常大人架仔吖。
有为：啊！！
包龙星：水师提督好大嘅咩？
有为：大你廿级度。
包龙星：哈……常兄，喫饭未呀？常兄，冲壶茶你饮哩？啱唔啱呀？
常威：哈哈……
（包龙星看见两眼泪汪汪的戚秦氏失望愤恨的看着自己）
包龙星：唔得，我系一个好官嚟架（小声）。混你架账，天子犯法，与“蔗”民同罪。
有为：庶民。
包龙星：求祈啦，皇帝架仔都系噉话架。戚秦氏，究竟系咪佢喺你屋企杀咗人？
戚秦氏：系吖，大人。戚家上下十三口，都系畀常威所杀，请大人替我伸冤。（爬在地）
包龙星：噉件事究竟系点嘅？你请讲喇。
戚秦氏：大人，常威系我细奶奶嘅表亲，佢成日都喺我屋企出入。事发嗰晚，因为我相公体弱多病，我就去佛堂嗰边同佢祝福。突然间，有个人用手巾仔蒙住我个鼻，我闻到一阵好重架药味，跟住我就不省人事。到我醒返嗰阵，我就已经 畀……常威佢侮辱咗，呜……
包龙星：你呢个禽兽，人嚟，同我打够一万二千七百三十八板。
包龙星：都系唔使，等我嚟。
有为：阿叔，你冇咁冲动，听佢讲埋先得架。
包龙星：好，你讲。
戚秦氏：嗰晚……
回忆中
（常威穿衣服）
戚秦氏：你系禽兽，你唔系人嚟架，你唔系人嚟……
常威：好喇。（将戚秦氏踢开）头先嗰阵你晕咗，不如我哋嚟多剂补返数呀？
戚秦氏：你冇行埋嚟……
婉君：你个衰佬呀。你背住我同呢个贱人搞搞震？
常威：收声呀。（掐住婉君的脖子）
婉君：放手呀。
常威：收声呀……收声……收声呀。（将婉君勒死）
戚老：婉君，婉君……你个畜牲，害死我老婆，我唔放过你，我要报官。
戚秦氏：老爷！
（常威掐住戚老脖子，戚秦氏上去阻拦被常威打晕，戚老被掐死）
包龙星：：我要剁你，我要剁你……（拿出一把大菜刀）呜……啊……
有为：冇咁冲动，听佢讲埋吖。
包龙星：打更佬，究竟当其时架情况系点样嘅？
打更佬：我本来打紧更嘅，突然听到戚家后花园只狗喺度叫得好嘈，噉我入去睇吓喇，点知见到遍地尸骸，重见到常威同来福打埋一齐。跟住畀人踢咗一脚，晕咗，噉就咩都睇唔到呀。
包龙星：传来福。究竟系咪常威杀死戚家十三口架？
来福：系吖……佢想连我都杀埋吖。
（常威咬住来福脸，衙役拉开）
包龙星：你唔使怕，有大人喺度照住。
来福：救命啊，大人救我啊。你又话照住我？
包龙星：经已畀面咗我架嘞，我唔喺度，一嘢咬你喉咙呀。
来福：多谢大人。（摸着脸）
包龙星：跟住点呀？
有为：暂时将佢收监，验明尸首再剁佢。
包龙星：先将佢收监，验明尸首之后立即剁佢。
衙役：系。
常威：想将我定罪，我未惊过呀。哈哈……我未惊过呀。
包龙星：你讲咩？你讲咩？你重咁多嘢讲呀？（说完将手中的菜刀扔出）
声音：你掟错咗人嗱。冇阴功呀！
包龙星：戚秦氏，你放心，我一定尽我所能，还你戚家十三条人命一个公道。
有为：呢铺真系光宗耀租。
包龙星：哗，咩事干咁巉眼？
方唐镜：呢啲系银两架光呀，大人。
包龙星：系你？！
方唐镜：公堂上各为其主啫。今晚就畀返个机会不才补返条数哩，好吗？
包龙星：补咩数呀？
方唐镜：书中自有颜如玉，书中自有黄金屋。只要大人肯卖一个小少架人情，就唔使读书，都可以拥有呢座黄金屋嘞。
有为：有商量！有商量！
包龙星：咩意思呀你？
方唐镜：常威常公子就系水师提督架仔，大人你已经知道。但系大人你又知唔知道，水师提督常大人，就系李公公架义弟呀？
包龙星：边个公公呀？
有为：李公公唔通系李莲英，李公公？
方唐镜：正是当今老佛爷跟前架大红人，李莲英公公。
有为：死镬。
方唐镜：呢啲银两就系不才代替常昆常大人，送畀包大人做见面礼嘅。
包龙星：你究竟想点呀？
方唐镜：哈哈……提督大人架娘亲年高九十又七，佢一向都好疼惜常公子。佢知道常公子出咗事，直头喊到肝肠寸断。常大人只希望包大人你能够畀常夫人去监牢见见佢架孙仔啫。嗱，大人不妨早啲休息。听朝一早不才就去常夫人返出去，噉嘅顺水人情，大人又何妨做一次呢？
包龙星：你家吓叫做贿赂本官。
方唐镜：乜呢啲唔系你做官架本色咩？
包龙星：我已经变成一位清如水，明如镜架视钱财如粪土架官，话你听！你唔系噉都收到风吓哗？
方唐镜：我收到。不过，我想你体谅吓啲老人家啫。
包龙星：老人家要体谅嘅，所谓百善以孝为先，本官都有啲眼瞓，有为，你带路喇。
师爷：系。
包龙星：咪住。本官瞓醒觉擘大双眼，要见到常威企喺公堂出便，知吗？
方唐镜：一定，一定。多谢大人成全。
有为：呢边，呢边……
包龙星：老人家成百岁想见吓个孙噉解架啫，冇事嘅。
牢房
常威：放我出去呀！放我出去呀！放我出去呀！你知唔知我阿爹系水师提督，我契爷系李公公呀？我要你哋冚家铲！
有为：拍硬档呀！就千祈冇倾咁耐久，你知我难做架嘛。吓哗？不过又系……
方唐镜：劳烦晒。（拿出一张银票给有为）
有为：多谢！多谢！
常威：你系边个呀？
方唐镜：你阿嫲嚟睇你呀！
常威：阿嫲？……阿爹！阿爹！
常昆：你想死呀你？你知唔知你而家犯咗弥天大祸呀？
常威：阿爹，带我走呀。
常昆：你走得去边嗱？阿爹身为水师提督，你走咗，朝廷都会迫我绑子投案，我今晚噉样嚟见你呀，已经系非常之冒险架嘞。畀人知道咗，我乌纱难保呀。
常威：咁点呀？我好惊呀！
常昆：放心。阿爹请咗方唐镜大状师帮你打甩呢场官司。
方唐镜：常公子，你一定要将今晚所做架每一个细节全部讲晒全，千祈唔好漏。
常昆：呢件案，有冇得摱嗱？
方唐镜：好彩而家只系三更，重有两更时间可以做嘢。
常威：做咩呀？
方唐镜：将把白嘅改成黑，将原告改成被告，听日喺公堂之上，常公子你记住……
（几黑衣人来到戚家，将现场伪装成砒霜中毒的样子）
衙门
（包龙星睡在银两之中，忽听众衙役：威……武）
包龙星：有为……有为……有为……
有为：咩事呀，阿叔？
包龙星：我都未起身就升堂？做咩家伙？
有为：陈大人倒塔咁早就返嚟喇。
包龙星：陈大人？
有为：系吖，正牌知县嗱。你系后备咋嘛。噉佢病返好，梗佢升堂架喇。我见你瞓得咁稔，费事嘈醒你，顺便冲个凉。
包龙星：弊。
有为：阿叔……
公堂
戚秦氏：大人。
包龙星：大人，呢单嘢呢……
陈知县：你冇讲咁多嘢，抦埋先嗱。抦埋吖！
包龙星：系。
有为：阿叔，呢度有张凳啫，坐呀。（小板凳）
包龙星：吆！
陈知县：戚秦氏，你话常威杀咗你一家十三口。除你见到之外，重有冇人见到？啊？传仵作。
验尸官：大人，戚家十三人，连埋只狗，死者个个面色发黑。以银针探喉，银针变黑，可见佢哋全部都系中剧毒而死嘅。小人重喺现场发现一煲糖水，混有砒霜剧毒。
陈知县：大胆刁妇，你一家十三口明明系毒死嘅，你竟然话系常威打死嘅？分明系坑害好人。
戚秦氏：大人，冤枉呀。
包龙星：大人，我睇住常威追住个家丁嚟杀架㖞。
陈知县：边个见到常威追杀来福架？
包龙星：我见到，打更佬都见到。
陈知县：打更佬？传打更佬嘞噉就。
打更佬：大人，我冇见到常威追杀来福㖞。我寻晚一入戚家后花园，就见到来福追打常威嘞，常威搏命反抗呀，漏尾我畀来福踢咗一脚，昏咗，以后就咩都唔知呀。
包龙星：喂，你琴晚唔系噉讲架㖞，你……
打更佬：寻晚我重晕陀陀，咪讲到来乱七八糟啰。
包龙星：你谂真至好讲㖞，呢嘢你……
陈知县：褶埋呀你！传回春堂掌柜朱二。
朱二：系吖，大人。寻日正午时分，就系呢个女人嚟我药材铺度执药，佢话佢屋企好多老鼠，所以我卖咗一斤砒霜畀佢呀。
戚秦氏：我冇呀，大人。我冇去佢铺头买砒霜，我一向去嗰度帮我相公执咳嗽药啫。
陈知县：何人击鼓？
方唐镜：大人，不才方唐镜有状子呈上。
包龙星：佢……
陈知县：状告何人？
方唐镜：我代表常家，一告戚秦氏勾引戚公子不遂诬告我哋公子杀人；二告候补知县包龙星贪赃枉法，冤枉好人。
包龙星：哇！
方唐镜：大人，不才收到风，包龙星收咗戚秦氏三万两银，而家后堂一屋都系银两㖞。
包龙星：啊……
陈知县：真有其事？人嚟，即刻入去后堂睇吓。
衙役：系。
有为：大人我哋舐嘢，啊！唔系，我哋入去执执屋先。
陈知县：咪行住。
衙役：禀大人，后堂真系有大量银两。
陈知县：包龙星，本官而家暂时将你停职。真相大白之后，再作定断。
包龙星：戚秦氏绝对冇畀钱我，啲钱系佢畀我嘅。
陈知县：大胆，你而家重诬告人哋？你再开声，我打你三十大板。
包龙星：我……
有为：喂，阿叔，悭返啖气呀，佢哋夹埋嘅，嚟呀，企埋碌柱，做“柱（处）男”喇！
方唐镜：契仔，今次契爷都帮你唔到嘞。第三告，告你戚秦氏毒害亲夫全家。
戚秦氏：大人，冤枉呀。真凶系常威吖！冤枉呀！
陈知县：大胆刁妇，公堂之上竟敢喧哗乱叫！人嚟，掌嘴。
衙役：系。
戚秦氏：冤枉呀，大人。（戚秦氏被掌嘴）
包龙星：大人，点可以原告变被告，被告变原告得架？
陈知县：你已经停咗职架嘞，你再嘈，我打到你变傻。人嚟，传常威。
常威：大人。小人乃系姚氏嘅表哥。寻晚，小人无意中撞破咗戚秦氏同来福架奸情，戚秦氏苦苦哀求我，冇揭发佢，重叫我当晚返去同佢商量。我返到去之后，见到佢煲咗煲糖水，但 系全屋人都唔见晒，佢重好风骚噉叫我饮糖水添。
戚秦氏：你讲大话，讲大话……
陈知县：再掌。
衙役：系。
戚秦氏：大人……
常威：小人有啲怀疑唔敢饮，四周围噉睇吓，点知畀我发现，戚家全家死晒。跟住来福佢撞入嚟想杀我，重放狗咬我，我惊到走咗出去，来福佢追出嚟。重突然之间大声噉叫“救命”，我唔知道 系咩暗号。跟住包大人就带咗成班人走出嚟捉住我嘞。
戚秦氏（冲上前）：你讲大话……你冤枉我……
陈知县：传弄婆。
弄婆：老身叩见大人，老身遵照大人架吩咐，同戚秦氏验过身嘞。戚秦氏喺案发嗰晚，的确有行房架痕迹，而且，有咗两个月身孕添。
（戚秦氏震惊）
方唐镜：大人，噉就冇错嘞。戚家二少爷体弱多病，大夫早以断言唔会有子嗣，呢件事众所周知。而家戚秦氏有咗身孕，噉就更能证明佢系有奸情呀。
陈知县：传来福。
来福：来福叩见大人。
陈知县：大胆奴才！你竟敢与主母私通，重毒害家主上下，可知有罪？
来福：大人，小人的确同二少奶奶有私情。
包龙星和有为：哗！
来福：但系落毒嗰个唔系我呀，系佢咋！
戚秦氏：我冇呀，冇呀……
陈知县：戚秦氏会钟意你？冇噏得就噏呀。无凭无据，边个相信你呀？
来福：唔系吖，系二少奶佢钟意我，话我有文才，重送咗首诗畀我，我而家带埋嚟架喇，我读畀你听吓。金凤玉露一相逢，更胜却人间无数。两情若是久长时，有岂在朝朝暮暮。大人，你过过目喇。
戚秦氏：冤枉呀。
陈知县：大胆刁妇，竟敢私通家奴，害死亲夫全家十三条人命。而家人证物证俱在，铁证如山，证据确凿，我问你，认罪唔认罪？
戚秦氏：冤枉难招呀大人。
陈知县：大刑侍侯。
包龙星（飞身接住令牌）：大人，冇再打嘞，佢顶唔顺架。
有为：阿叔，你冇再同佢撑喇。
包龙星：大人，我三代为官，深知官场系靠个屈字架，但系呢镬你未免屈得太过分嘞。
陈知县：依度几时轮到你讲嘢呀？（夺过令牌）
包龙星：唔好呀……
陈知县：照打。
（包龙星眼睁睁的看着戚秦氏被冤打，方唐镜狞笑，常威得意，陈知县也不忍看，来福惧怕，戚秦氏被打晕，众衙役围起来。）
包龙星：做咩呀？
（戚秦氏被诬害画押）
陈知县：好嘞，戚秦氏已经招认全部罪状，依律应判处极刑，秋后处斩。收监。退堂。
（包龙星扶起戚秦氏）
包龙星：“对唔住！”
（戚秦氏拿起包龙星的手，使劲咬出血，被衙役拉开）
戚秦氏：你个狗官，夹埋嚟陷害我，我做鬼都唔放过你，我做鬼都唔放过你呀……
（地上血迹斑斑，天上普降大雪）
包龙星：雪呀，落雪嘞！六月飞霜嘞！冤枉呀，冤枉呀！出来再审过呀……冤枉啊！啊……
戚家
*有为：间屋空“寥寥”㖞，重点揾到证据呀？
包龙星：最好啲证据摆喺个台度等你嚟攞！要自己发掘架嘛。
有为：十三叔，好一条硬狗。
包龙星：系㖞，唔通系戚家只狗丧彪？
有为：你点知，阿叔？
包龙星：边个写架哩？
有为：啊，我记得嘞，系你叫人冇移动证物，同时注明嗰样系咩架。
包龙星：噉就天助我也嘞。fing个狗头埋嚟，翻返佢，冇毒？但佢明显系颈骨尽断，畀人造瓜架。
有为：点解啲人有中毒嘅？
包龙星：一定要去验验尸。
有为：啊，骚扰尸体好大镬架㖞。
停尸间
包龙星：哗，原来用咁大支钢针掹住啲骨，如果掹佢出嚟，肯定甩皮甩骨，一定系畀人重手打成噉。但系支银针变黑，证明喉咙里便真系有毒架㖞。
有为：快手啲呀，阿叔，好臭呀。
包龙星：再去睇睇第二件嗱。
有为：你冇剩系顾住插喉咙，试吓插个肚腩，如果真系中毒嘅，支银针一样会黑架。
包龙星：银针冇黑，即系肚里便真系冇毒。
有为：肚里便冇毒，但系喉咙里便有毒？
包龙星：唔通系先畀人打死。
有为：然后再将啲毒灌落喉咙。
包龙星：噉啲毒咪落唔到肚啰。
有为：系喇。
包龙星：我谂到嘞。
有为：好嘢！
（众衙役全出来）
包龙星：咦，陈大人，乜你喺度嘅？
陈知县：搭你啰，带佢走。哈哈……你两个扰人尸体想毁灭证据呀？等着坐劳吧。哈哈……
常昆：陈大人。
陈知县：常大人。
常昆：做得好。
陈知县：都系常大人你有先见之明，知道佢哋会返嚟寻找证据，想翻案啫。
常昆：今晚放把火烧咗呢度，毁尸灭迹。
陈知县：小人知道。
常昆：重有。斩草要除根，揾人喺监里便将包龙星……
牢房
包龙星：兄弟，你同上面倾吓。如果我转做污点证人，噉睇吓有冇得斟？
衙役：傻架你。你个侄快你一步做咗污点证人，厾死你吖，而家返咗屋企饮汤喇。
豹头：你都有今日。
包龙星：讲咩呀，僆仔你？
豹头：你啲噉嘅狗官，抵你入嚟监狱，畀人碎尸万段。
包龙星：我今日心情唔靓，你冇叽叽兀兀，我随时同你反台架。
豹头：我话你又点呀？够胆出嚟同我打过。
包龙星：你冇迫我喐手，我真系兜头噍你架㖞。
豹头：你噉嘅狗官，抵你同戚家嗰个贱人一齐坐监。
包龙星：边个戚家贱人嗱？你讲咩呀？再讲多次！（挤出牢房）
豹头：佢就系嫁畀肺痨鬼嗰个啰，佢就喺你后面嗰埲墙咋。
包龙星：边埲墙？呢埲墙？
豹头：就系你后便嗰埲墙。
包龙星：早啲讲嘛仆街！（挤进牢房）
包龙星：戚二嫂！戚二嫂！我系包龙星呀。（墙上两个小洞）戚二嫂你系边嗱？
戚秦氏：你唔好喺度猫哭老鼠，有咩加喺我身上，请随便。其实，我都好想落去同我相公团聚，但系可惜，可惜我有咗戚家架骨肉。
包龙星：个仔真系你同肺痨鬼……唔系，你同你老公生嘅？
戚秦氏：我相公有张家传架秘方，定期服用，啲肺病已好返好多，而且，重恢复咗男人架能力。
包龙星：咁架势？
戚秦氏：你做咩唔过嚟我呢度？噉咪可以痛痛快快噉折磨我。
包龙星：戚二嫂你误会嘞，你庄庄我而家个款先。（戚秦氏看）我为咗同你翻案，家吓连自己都衰埋。
戚秦氏：大人，我怪错你。
包龙星：冇相干嘅，但求有一日我出得返去，你借咗张药方我抄抄就好嘞，但系官场黑暗。睇嚟佢哋今次一定要整死我为止。
戚秦氏：大人，我连累咗你。
包龙星：冇噉讲喇。戚二嫂，你畀只手指我（两人手指相碰）。我唔相信呢个世界冇公理，我喺度应承你，只要我重有一口气，我都一定会想办法出去同你伸冤。
戚秦氏：多谢大人。
有为：十三叔，叔……
包龙星：你个死仔。
有为：冇讲咁多呀，你判咗死刑呀。
包龙星：死刑？
有为：系吖，佢哋话你勾结江洋大盗，贩卖军火，推阿婆落海，强奸咗只猪。
包龙星：我绝对冇强奸只猪。
有为：系佢哋屈你吖嘛，你死梗架喇。所以我同阿爷商量过哩，喺你临死之前，同我哋包家留啲后，特登揾个黄花闺女入嚟同你打种。
众人：我都要……
有为：哎吖，下次先嗱！冇讲咁多喇，入去打种，如花，快啲……
包龙星：如花，真系你？
如花：唔系我，重系边个？唔好嘥时间嗱，快来嚟吖。
包龙星：有为，攞块黑布过我蒙头然后入闸。
如花：唔使嘞，我有招新招，叫“无敌撞穿墙”。呀！（牢房墙被撞开）
包龙星：哗，呢招果然使得。
有为：冇讲嘞，快啲走嘞，阿叔。
包龙星：戚二嫂，你放心，我一定会返嚟救你架。
有为：走嘞。
戚秦氏：大人，我祝你一路平安，多福多寿。
包家
奶奶：十三，你返嚟喇？
包龙星：好咯，阿妈终于有返记性嘞。阿妈！（欲抱）
奶奶（抱着有为）：十三，你返嚟好咯，你阿爹病得好严重呀。
包龙星：阿爹，你点呀？阿爹，你冇嘢吖嘛？
爷爷：佢哋救返你出嚟喇。哎吖，好咯。
包龙星：都系我冇用，丢晒你架真系。
爷爷：唔系嘅。你唔够人哋咋嘛。你知道吗？贪官要奸，清官更加要奸。如果唔系，点顶得住啲奸人呢？阿仔呀，你……你上京告御状喇，去喇。
包龙星：我正有此意呀，阿爹。
爷爷：我呢度有半个饼，我佗咗二十年架嘞，你佗住佢喇。
包龙星：半嚿饼？咩意思呢？
爷爷：哦，而家个当今呢个刑部尚书哩，系我当年架生死之交，嗰阵时佢冇饭食噃，我剩得呢一个饼，我就畀埋佢食。后来呢，佢畀返半个我㖞，佢话，将来佢飞黄腾达架时候，我架后人扐呢半个饼 畀佢见到哩，佢一定报答我架。
包龙星：我惊住重系唔够人斗㖞。
爷爷：点会呢？我哋姓包架嘛。响宋朝呀，我哋有一个祖先叫做包拯……
包龙星：即系包青天。
爷爷：哎……就系包青天，呢个包青天呢佢就写咗一本书叫《青天秘籍》，佢嗰本书已经喺我度呀，我学晒嘞。
包龙星：你家吓先同我讲嘅？你收埋喺边处嚟呀？
爷爷：你妈揳台脚打麻将咋嘛。
包龙星：哗，啲字咁深嘅？
爷爷：呢啲系小篆嚟架，你冇心机读书，你边度识架？揾人教吓你喇。
包龙星：我知架嘞，阿爹。但系你重有啲咩笋嘢，攞埋出嚟过我得架。
奶奶：十三，我哋包家重有一把尚方宝剑，系先王御赐架，你带埋上京呀。
包龙星：把宝剑喺边度呢？
奶奶：你扐住（拿出一剑鱼）。呢把尚方宝剑，上斩昏君，下斩谗臣架。你带去。
包龙星：有为，把宝剑你好好哋收埋佢先。（转身看见阿爹死去）阿爹！
牢房
陈知县：我只系想……
豹头：（提起陈知县）煠熟狗头做咩呀？你系咪想放我出去杀包龙星呢？（陈知县点头示意）你都唔慌系好人嗱。你唔使讲，我都会将包龙星碎尸万段，啊……
街道
包龙星：喂，阿妈明明话畀阿几十锭金你架嘛，你带咁多萝卜出嚟做咩啫？
有为：阿嫲话嗰几十锭金咪就系呢啲萝卜啰。
包龙星：吓？！
有为：系吖，一人咬一碌呀，都怕挨得到上京啩？……阿叔呀，嗰边好热闹㖞，（墙上的告示）哎吖，个茂尼咁似你嘅？
众人：都唔似嘅。（包龙星做鬼脸）
*包龙星：好在。（撕掉告示）
有为：阿叔你头先系咪噉整架？（做鬼脸）
包龙星：睇嚟情况非常危险。
有为：过到骨嘞。
众人：系佢吖。
豹头：咪走呀。
包龙星：走。
豹头：咪走呀。
（包龙星看见豹头用龙抓手抓糊了有为，便拿起两个馒头放在胸前）
码头
吴广得：快啲喇，天黑喇。系噉嘞，快啲呀，上船嘞。解缆。
豹头：狗官你咪走呀。
包龙星：唔使追得咁紧吓哗？等埋吖！（跳上船，被吴广得接住，误会是女人）
杂耍船
吴广得：你咁搏命做咩呀？
包龙星：我畀人追杀，追到嚟呢度谷跳咋真系。
豹头：狗官，你咪走呀。你走唔甩架，狗官。你咪走呀，狗官。（码头）
吴广得：咩狗官话佢话？
包龙星：佢叫我九姑娘啫。
吴广得：九姑娘？
包龙星：多谢两位相救。呢位姑娘高姓大名？
吴好缇：吴好缇（唔好提）。
包龙星：你……
吴广得：吴广得（唔讲得）。
包龙星：咁保密？
吴好缇：吴好缇。
吴广得：吴广得。
包龙星：噉算嗱。
吴好缇：系哩，点解你会畀人追杀嘅？
吴广得：唔使讲嘞，一定系嗰条友垂涎呢位嘅……美色，因奸不遂，所以就……
吴好缇：傻嘅，佢系男人嚟架嘛。唔使惊，一阵请你食饭，戥你定一定惊吓。
吴广得：夹餸呀，冇客气呀。
包龙星：啊，好提姐呀，你哋呢个杂技团系咪上京架？
吴好缇：系吖，我哋系上京嘅，不过我哋唔入京城架。
包龙星：如果我嚟一齐上去，多个人照应，噉你话好唔好呢？
吴好缇：你问阿哥呀，但系你要帮手表演杂技架㖞。
包龙星：我唔识架㖞。
吴好缇：唔识咪学咯。
包龙星：我？
吴广得：夹餸呀，冇客气呀。（菜已经堆的很高了）食埋呢只鸡髀啰喂。（包龙星端不稳饭碗）
（包龙星开始跟吴广得学杂技，被强迫按在钉板上碎大石，起来喝水发现全身漏水；蒙眼飞刀绝技将人扎死；吞剑作弊被发现；吴广得发现包龙星的行李里有肚兜，包龙星要离开）
客栈
吴广得：肚兜？！
吴广得：英台，你执埋包裹咁晚去边度呀？
包龙星：我喺度搞住你哋，都知你唔钟意架嘞。噉不如自己扯系嘞。
吴广得：走得去边度呀？
包龙星：身如柳絮随风摆，吹到边我咪系去边啰。
吴广得：出便风大雨大，无谓周围走嘞。一于留喺度，我照你。
包龙星：多谢晒！
吴广得：噉我唔客气嘞。（抬起包龙星的下巴，欲吻）。
包龙星：坏人嚟架你！（逃进屋子，关门）。
吴广得“我……
包龙星：超！两三道板斧，有食有住，去边度揾嗱？你话。
吴广得：咁啱呀？（围着浴巾出现屋里，拉着包龙星）
包龙星：你点入嚟架啫？
吴广得：角落头嗰度有个竉架嘛。
包龙星：个老鼠竉嚟架咋㖞！
吴广得：我会缩骨功叫架嘛。
包龙星：我话你个人缩骨就真嗱。
吴广得：冇讲咁多嘞，话时话，今晚客栈大爆棚，怕且都要同你孖铺至得嘞。
包龙星：噉点得呀？
吴广得：怕咩啫？大家都系男人，除非你系……
包龙星：我唔系哩。
吴广得：唔系咪得啰。
吴好缇：英台，快啲出嚟呀。
包龙星：嚟。咩事情呀，唔好提？
吴好缇：你有个亲戚嚟咗呀。
包龙星：亲戚？
（楼下有为拿着两个萝卜晃悠）
有为：啊！我终于揾道你嘞。
包龙星：收声，我唔想见到你，你即刻同我扯。
有为：唔系哩，啊……（中拳）
包龙星：冇讲嘢呀！
有为：啊……（中拳）
包龙星：冇讲咯都话！
有为：做咩唔畀我叫你㖞？（虎鹤双行欲中招）九姑娘！
包龙星：点解咁醒扒架呢镬？
有为：醒扒就唔使畀你执几嘢嘞。
包龙星：几惊畀你穿晒煲添嗱真系。
吴好缇：啊，咩九姑娘呀？
有为：嘿嘿，你又系啫，人哋好心收留你，你就唔好瞒人哋嘞嘛？唔好意思呀两位，其实佢系女仔嚟架。
包龙星：阿爸。
有为：系喇……我哋个个叫佢九姑娘嘅。
吴好缇：咩呀？你系女仔嚟架？
有为：系咯，你知嘞，一个单身女子行走江湖好唔方便架嘛，所以佢咪要着到噉啰。女呀，过去同人讲声对唔住喇，去喇。
吴好缇：哦，原来阿哥系你，阿妹又系你，你都鬼马哩。
包龙星：别笑我喇。（抱着吴好缇）
有为：九姑娘，过来倾两句嘢先。
包龙星：冇阻住呀。
有为：喂！家吓同你讲十三叔啲嘢㖞。
包龙星：好快返嚟。
有为：我调查过架嘞，呢个马戏团呢一路表演，一路上京，我哋得两碌萝卜，点食得到上京啫？一于黐住佢哋黐饮黐食。
包龙星：使你教咩？
吴好缇：阿哥呀，你噉都得？人哋系女仔嚟架。
吴广得；我点知啫呀？！
吴好缇：好，噉而家你咩都知道晒嘞？喂，英台。今晚嚟我度瞓，我同你孖铺呀。
包龙星：好呀！（拉走好缇）
吴广得：咪住，我一个人瞓，我惊鬼架嘛。
有为：冇问题，我孖你孖铺呀。（吸口水）
…………
吴好缇：哇！今晚月色好靓。
包龙星：阵间唔靓架嘞，嗱嗱声孖铺瞓喇。
吴好缇：你有冇试过喺屋顶上便睇月光倾心事呀？
包龙星：至憎架我。
（屋顶）
吴好缇：我唔记得边个老人家讲过，当月光最光最圆嗰阵，你向住渠讲出自己嘅心愿，一定会灵架。
包龙星：噉你有冇向个月光许愿呢？
吴好缇：噉你有冇呀？
包龙星：细个许过愿，曾经想做个好官。大个先知道，好官唔易做，最怕就系贪官都做唔成，夹喺中间一事无成。
吴好缇：系吖，我喺码头嗰度听到嗰个大食佬叫你做狗官？你究竟系边个呀？
包龙星：小姓包……
吴好缇：你系包龙星？
包龙星：乜你识我架咩？
吴好缇：附近几个县架人都知喇，你为咗同个犯妇人伸冤，连官都冇得做，人人都话你勇敢嘅。
包龙星：其实我唔系咁勇敢架，上咗嚟咁耐，都唔敢望下便。
吴好缇：喺我心目中，你系最勇敢架。
包龙星：既然你迫我，我唯有认嘞，因为我人好低调架。重有，你千祈冇报官嗱，至多我出厅瞓架啫。
吴好缇：你唔同我瞓，噉就好容易会穿煲架嘞。（握起包龙星的手，月亮变成了心型）
郊外
吴好缇：你上京告御状，万事都要小心嗱，时时刻刻都要记住我呀。
包龙星：你四围去卖武，都要着多件衫嗱，日日夜夜都要挂住我，知吗？
吴好缇：嗯。
吴好缇/包龙星：唔准沟女。/唔准沟仔。
包龙星：放心喇，我唔会。
吴好缇：嗯！（看着包龙星的背影）喂，我哋几时再见嗱？
包龙星：明年春暖花开日，就系我哋再会之时。保重！
尚书府
尚书：呢个饼真系你嘅？
包龙星：系。
尚书：世侄，见返你真系好，你阿爸点呀？
包龙星：家父已经过咗身。
尚书：点解好人硬系死得早啲嘅？
包龙星：实不相瞒，我今次万里迢迢嚟到呢度，系想请求大人你帮我告御状。
尚书：有何冤情？
包龙星：小侄原本都系官嚟架，系因为畀一个权贵架子弟勾结贪官……
尚书：唔使讲嘞，岂有此理。本官生平最恨啲权奸子弟，目无王法。
有为：阿叔，今次真系守得云开见月明咯。
尚书：你话我听，佢系边个？
常昆：系喇，我哋将佢即刻查办。
包龙星：嗰个人叫常威，佢老窦就系水师提督常昆嗰个仆街冚家铲。
常昆：尚书大人，你话点做哩？
尚书：你哋认为应该点做哩？
包龙星：我宜得将佢两父子嘅人头攞嚟抆屎。
有为：阿叔，你抆完重畀我抆。
包龙星：你抆完畀返我，我再抆。
有为：嗯！
包龙星：阿伯，你有冇兴趣？我借你抆一下。
常昆：哦，我都有份？
包龙星：哎，老伯，未请教添……
常昆：在下常昆。
（抬头只见乌云吞没月亮）
有为：原来系“月夜风高杀人夜”。
包龙星：死就死嘞。大人，好彩你重系深明大义，就系呢个人，佢……
尚书：悭啲喇。
包龙星：咩呀？
尚书：悭啲喇，过住喇。
包龙星：果然系官官相卫。但我老窦对你有恩，就算你唔帮我，都应该系咁易舍一舍我，回返一百几十万两银我返乡下买碗粥好㖞。
尚书：喂，你老窦当年畀个烂饼我咋㖞，最多咪还返个烂饼畀你，不过我深明大义，还返一百倍畀你。
（两人端出两大盘饼）
包龙星：你好嘢，有为，我嚟走。（抱上饼）
尚书：咪住，一场世交，使乜走咁快呀？食埋先走喇。
常威：人嚟，喂两位公子食饼。
官兵：食呀……听唔听到呀？食晒佢呀！擘大口！（场面悲惨）
常威：想告我？就算皇帝老子嚟到都奈我唔何呀。
尚书：不如杀咗佢哋算数喇？
常威：唔好，我要佢哋响京城做乞儿，丢一丢佢老窦包不同嘅架。
……
包龙星：有为，你点呀？你冇嘢吖嘛？
有为：我有啲肚饿呀。（继续吃）
包龙星：吆！
常昆：多谢尚书大人帮忙㖞。
尚书：客气，客气。
常昆：家嫂呀，快啲入嚟多谢大人嗱。
常威妻：多谢大人……（大肚婆）
尚书；得嘞……哎！几时抱孙呀？
常昆：哦，快嘞，下个月头就系嘞，到时摆满月酒一定要嚟㖞。
尚书：一定一定……
街道
（两人吃力扛麻袋，被官兵赶跑）
有为：嚟，买啲香拜神嗱，拜得神多自有神庇佑呀。姑娘拜神，买啲香烛拜神啊。（包龙星躲起来）
官兵：喂，卖香嘞？
（有为浑身都是香烛，众人都在拜他。）
有为：阿叔，呢铺我哋真系畀人赶绝路。
包龙星：天无绝人之路嘅。
有为：我知，但系我哋十几日冇食过饭呢，（别人丢下铜板）多谢多谢……
包龙星：我唔系乞儿嚟架，官嚟架，大佬。
有为：哇！有包派呀。
包龙星：喂……
有为：姑娘，唔该掟个畀我，掟多个，我十几日冇喫过嘢嘞。
包龙星：有为，冇攞啲包嚟喫，攞咗你真系乞儿嚟吖。
有为：你冇理我，宁愿做乞儿呀。
包龙星：听我讲好唔好啫？
有为：哎吖，你冇阻住喇。（推倒包龙星）
声音：喂！嗰边有钱派呀。
包龙星：有为！做惯乞儿懒做官，我死都唔做乞儿。
声音：到我嚟凤来楼食霸王嘢？未死过。去死喇……（殴打一人）
包龙星：哇，老友，你食霸王嘢呀？
某人：系吖，吹咩？去第二家食过。
包龙星：好！宁愿做无赖嘅啫。
凤来楼
（众人吵嚷，黑匾金字--有凤来仪。）
老板娘：哎吖，呢位客官，我一睇就知你系外地嚟架喇，我一睇就知你系达官贵人嚟架喇。阿凤，阿珍，斟茶过嚟喇吓。饮杯茶喇吓。唔啱呀？嚟贵宾房坐。我整啲上好酒菜你喫……冇客气呀！（贵宾房众女拥挤）哇，呢位相公，你因住㖞，咁急，因住哽亲㖞。嚟嚟……食多注菜吖，嚟吖，多嚿鱼喇，多嚿鱼喇好吗？食咁多你饱未架吓？不如噉喇，饮杯酒喇吓，嚟嚟嚟，我敬你一杯，饮杯酒吓……
包龙星：冇阻住呀。
老板娘：饮杯酒喇，饮饮饮……（包龙星想吃鸡腿，老板娘强迫他喝酒，结果咬住老板娘的手）哎吖！
某人：啋，边有人嚟妓院净系识食嘢架？傻架！
老板娘：佢绝唔系傻。我话佢眼角高，睇唔上啲庸脂俗粉，怕且要出我哋嘅镇山之宝：如烟--（如烟推门而入）
某人：好嘞……我哋出去先嗱，出去喇。
（好一个绝色美女，整个世界安静了）
包龙星：你……
如烟：唔好理我系边个，我哋可以喺茫茫人海当中相识，都算系一种缘分嗱。
包龙星：我……
如烟：哎，唔好讲，我哋大家试吓眯埋眼，谂吓对方究竟系咩性格？咩身份？咩兴趣吖？一，二，三
包龙星：你系女人（如烟开始翻弄包龙星的包袱），你系一个视钱财如粪土架清高女子。
如烟：重有哩？
包龙星：唔啱你估吓我系个咩人？
如烟：你以前系个咩人我唔清楚，但系你一阵一定系个伤残人士。你个包袱一啲钱都冇，你够胆入嚟我哋凤来楼？（拍手，三打手上来）
包龙星：咪埋嚟呀你哋，（挟持如烟）我插盲佢对眼，哎吖（眼睛被如烟插）！
如烟：学人入妓院！冇钱畀又大食大饮，学人叫妓？打到你连细佬都冇埋，以后冇得你用，咁大胆架嘞！睇到未吖？噉打先得架嘛。（暴打）
（三打手狂扁包龙星）
*老板娘：真系冇？冇银两吓？咩都冇？得啲咸臭裤？岂有此理？得本烂书？
包龙星：唔好抌我架书。（扑过去的时候碰掉蜡烛烧了书）唔好烧我架书呀，本书唔烧得架，冇烧呀。
老板娘：你呀，由宜家开始，要做三个月鸭填数呀。
……
老板娘：用力捽干净啲吖，倒咗啲水去。（倒水在老板娘身上）
声音一：真系惨嘞！佢shot之后，个口就合唔埋嘞。
声音二：噉佢点食饭嗱？（包龙星用手帮助下巴的合拢）
……
烈火奶奶：快啲叫你事头婆出嚟，唔系我就数臭佢十八代祖宗。
老板娘：烈火奶奶，咩事咁劳气呀？
烈火奶奶：你啲女抢晒我啲客呀，噉点计呀？
老板娘：人客水流柴，个个花心，有乜边个抢边个啫。
烈火奶奶：唔得，我要你赔钱，兼斟茶认错，唔系我就烧你本数簿。
老板娘：噉你即系揾交嗌啫？
（两人制造出紧张的气氛）
老板娘：生仔冇屎窟，老窦卖屎窟，自己烂屎窟，钟意食鸡屎窟。大屎窟，你冇生意走嚟闹我？
烈火奶奶：我数臭你。
老板娘：唔使你数，我自揭身世。我三岁死老窦，四岁死老窦，五，六，七八岁死老窦，十岁勾佬，十一岁勾佬，都畀我勾。
烈火奶奶：啊！（看见自己男人想溜）你个死老鬼。
老板娘：你够胆勾个佬出嚟我就够胆勾。
烈火奶奶：我揸死你。
老板娘：你敢揸，我就敢享受。
烈火奶奶：我……
老板娘：我……你个死人头呀，呢个咩字？系咪个“醒”呀？
烈火奶奶：系……系醒字。
老板娘：丑呀，丑字都唔识。你七岁八岁勾佬，勾到四十几岁，你丑唔丑呀你？你肚腩大过波，嗌交，你做人几十年，有咩成就？
烈火奶奶：我训练四朵金花，名震京师，系鸡中之霸。
老板娘：啱！不过佢哋已经跳槽嚟我度嘞㖞，乜佢哋冇话畀你听咩？你人又老，钱又冇，啲鸡又走路，唔死都冇用，（烈火奶奶头发冒烟）你做人唔精，做鬼唔灵，投胎唔知定，下世做紧菠萝钉。
四朵金花：点解呀？
老板娘：吃完畀人擗啰（烈火奶奶倒地）同我嗌交吖嗱？扯。
包龙星：厉害！
……
（此后是包龙星发奋苦练吵架功，指海狂骂，专心偷学，嘴巴咬秤砣，吐舌吹蜡烛，一口定乾坤，终于大功告成，曲木变直，死人说活，蜡烛吹断，大海为之震惊，此段自是看者明白其中的妙趣横生，实在佩服高超的想象力）
包龙星：做咩呀？
如烟：你冇问我喇，你感觉唔到咩？眯埋眼先嗱。
包龙星：又眯埋眼？上次重畀你打唔够咩？
如烟：我唔会打你架，我净系想揾一个人倾吓偈咋。
包龙星：冇乜好倾架咋㖞。
如烟：我空虚，我寂寞，我冻呀。
包龙星：唔系咁大镬吓哗？
如烟：日日对住班臭男人，都冇一个讲到心事嘅。
包龙星：我都系臭男人嚟啫。
如烟：你冇咁臭。
包龙星：噉乜系。
如烟：揽住我呀。
包龙星：使唔使呀？
如烟：我唔会呃你架，我净系要一个唔系好讨厌架男人，畀啲温暖我啫。
包龙星：真系唔掂㖞。
如烟：咪当做善事啰。
包龙星：唯有系噉喇。嗱，畀一封利市添呀讲明呀。
老板娘：仆街吖，想沟我啲女？
包龙星：系咪想揾交嗌？
老板娘：我唔同你嗌交，你食我嘅，住我嘅，屙我嘅，瞓我嘅，重沟我啲女，你系咪人嚟架？
包龙星：系佢话做鸡做到闷，做到冇瘾，我家吓安慰佢啫。你都系鸡，重系只老鸡添，有冇曾几何时觉得空虚，觉得寂寞，觉得冻呀？
老板娘：有。关你咩事呀？
包龙星：唔关我事？我做鸡窦，都想鸡乸好，佢一冇心机就怠慢啲客，啲客就会嬲，一嬲就唔嚟，唔嚟就执笠，执笠我就瞓街，你够胆话唔关我事？
老板娘：你驳我嘴呀？你小心不得好死。
包龙星：收尾两年同你执骨。
老板娘：因住生仔冇屎窟。
包龙星：冇屎窟架仔你生嘅。
老板娘：我睇你恶得几耐？
包龙星：恶到你断气为止。
老板娘：我……
包龙星：你冇妆靓过化妆，做鬼好过做人。
老板娘：你……
包龙星：我做人急到你抽筋，做鬼吓到你失魂。
老板娘想：点解个僆仔嗌交架威力，突然间增强咗几万倍嘅？
如烟：你冇事吖嘛？
老板娘：躝开！僆仔，你有本事唔好走，我拖马返嚟同你嗌过。
包龙星：我等你。
（老板娘带领众姐妹围攻包龙星。）
包龙星：你老母，……！
（结果给包龙星大胜，黑匾金字改为--吵架王）
如烟房间
如烟：听讲你今朝早同隔篱嗰个三姑嗌交，嗌到佢嘴都歪埋㖞。
包龙星：小意思啫。
如烟：你已经系我哋凤来楼嘅嗌交第一高手嘞。
声音：隔篱又有人上门揾交嗌吖。
如烟：咁大胆。
包龙星：等我嚟。
豹头：我而家喺度办紧案，如果今晚你唔叫如烟赔我呢，我就反转呢度揾犯人。
包龙星：啊！（逃跑）
老板娘：千祈唔好呀，但如烟佢卖艺唔卖身架噃。
豹头：我玩完佢唔畀钱，噉咪唔算卖啰。哈哈……
如烟：做乜嘢呀？
包龙星：豹头嚟嘞，快啲揾定匿。
如烟：喂，池塘嚟架。（包龙星躲到床下）……大人。
豹头：哈哈……
如烟：啊……大人，唔好呀！我嗌架，我嗌架。
豹头：你嗌破喉咙都冇人理你架嘞。
如烟：救命呀，救命呀，放手呀。
包龙星：禽兽！
老板娘：大人，奸……恬亲王嚟咗，佢又系揾如烟嗱。
豹头：真唔真？
老板娘：真，佢重带埋个打横架后生仔嚟架。
包龙星：喂喂喂喂，有人，有人（豹头也躲进来，卡住包龙星的脖子，恬亲王进来。）
豹头：嘘。
（包龙星趁机卡住豹头的脖子）
老板娘：恬亲王。
恬亲王：呢位呢就系如烟姑娘嘞。
皇帝：沊沊沊沊沊……
恬亲王：唔系吖嘛？咁正，你都抌？
皇帝：嘿嘿……靓到沊一声！
恬亲王：阿皇……阿皇兄呀，噉你慢慢同如烟姑娘倾吓偈啰㖞。出去喇。
老板娘：哦哦，你哋慢慢倾啊，慢慢啊。
如烟：公子吖，冇噉喇，我嗌架。
皇帝：你嗌喇，你嗌破喉咙都冇用架嘞。
如烟：唔好呀。
包龙星，豹头：禽兽！
老板娘：大人啊，如烟房里便有客，唔入得去架。
协理大臣：混帐，我系协理大臣，边个敢阻我？行开。
老板娘：大人，协理大臣。
皇上：啊！协理大臣？畀佢知道我喺度，话畀母后听噉咪大镬？
如烟：喂喂，出便系池塘嚟架。
皇上：啊，床底下。
老板娘：大人，你冇入去，大人……
协理大臣：啊，你个死龟婆想呃我？如烟姑娘房边有其他客呀？
老板娘：成台麻将都够脚咯，你掂至好呀，女。
如烟：得嘞。
皇帝：幸会，幸会。
包龙星：贵姓呀？
皇帝：爱新觉罗。
如烟：大人，你冇噉喇，我会嗌架。
协理大臣：你嗌破喉咙都冇人理架嘞。
如烟：哎吖，冇噉喇，乜个个男人都系噉架？你唔闷，我都闷嗱。
皇帝，豹头，包龙星：禽兽！
皇帝：有冇玩过斗兽棋？象食老虎，老虎食猫，猫食老鼠，老鼠可以食象。识做喇老鼠！
……
协理大臣：边个？
包龙星：大人英明神武，床上架雄姿令人钦佩，小人啱啱路过此地，抱住学习架心情入嚟观摩吓嘅。
协理大臣：混帐，返出去。
包龙星：好呀，不过小人向来口疏，出到去恐怕忍唔住大肆宣扬，到时候可能有一百几十人幕名而来，为大人你呐喊助威添噃。
协理大臣：我畀钱你，快啲走呀。
包龙星：我畀钱你，快啲做。
协理大臣：我……
包龙星：一系你嚟，你唔嚟我嚟。
协理大臣：呃……
包龙星：你走，好嘞，你走……
协理大臣：救命呀……
仆人：咩事啊，大人？
包龙星：哦，原来大人一早安排两个观众喺度呀？好彩我都唔执输，出嚟。（皇帝，豹头蒙面）
协理大臣：佢两个边个嚟架？
包龙星：佢两个系天桥底讲故嘅，睇嚟会将大人今日架床上事迹分成九集，每日不停轮流广播，听众都唔少架。
协理大臣：当我冇嚟过。
包龙星：吓？一张？我哋四个人，四把口，一张点够银呀？
协理大臣：畀多三张你，走……走呀。
包龙星：多谢晒㖞。
如烟：星哥呀，你呢招“抛”字诀用得好好呀。
包龙星：攞去饮茶。（给一张银票如烟，剩下的放进怀里）
皇帝：僆仔，你都几醒目。
包龙星：叩见皇上。
皇帝：你点知朕系皇帝咖？
包龙星：小人斗胆，头先喺皇上身边执到呢条龙底横，请皇上恕罪。
皇帝：梗系刚才惊到甩裤嘞。
豹头，如烟：叩见皇上。
皇帝：朕今日微服叫鸡，啊唔系，朕今乜微服出巡架事，你哋千祈唔可以爆出嚟，边个爆就诛边个九族。
包龙星：皇上，小人有一件事想请皇上帮忙，如果皇上唔肯，就算要诛九族，皇上叫鸡架事，我都焗爆露架。
皇帝：啊！朕你都想屈？
尚书府
尚书：皇上，点解今日咁有雅兴嚟舍下欣赏盆栽呢？
皇帝：朕其实见呢排天气反常，广东重夏天落雪添，一定系有民间冤情，想问吓几位卿家架意见啫。
常昆：托皇上架鸿福，当今四海升平，人人安居乐业呀。
皇帝：噉就至好嘞。噉点解有人向朕告御状呀？
恬亲王：皇上，一定系啲刁民蓄意诬告。
众大臣：诬告，诬告。
皇帝：但系包龙星个样咁正直，一啲都唔似系刁民噃。
常昆：包龙星头尖额窄，冇厘贵格，佢老窦包不同以前系一个贪官，所谓臭罂出臭草，佢直头系刁到唔刁架刁民呀皇上。
众大臣：系喇。系喇。
皇帝：佢真系咁刁？
众大臣：刁……
皇帝：噉佢即系嚟过呢度告状嗱？
众大臣：……
皇帝：传包龙星。
包龙星，豹头：叩见皇上。
皇帝：平生。
皇帝：佢系咪嚟过告御状嗱？
常昆：皇上，呢个刁民，为官贪赃枉法，响县府想诬告小儿，幸得知县明察秋毫，将佢革职。而家佢重系通缉犯，所以尚书大人不受理吖。
尚书：皇上点解会识得呢个通缉犯嘅？
常昆：微臣响京城有啲耳目，听讲呢个刁民告状失败之后，去咗一家妓院做龟公。嘿，皇上当然绝对唔可以信一个龟公架说话嘅？
尚书：唔通皇上喺佢嗰度……
恬亲王：混帐！皇上点会去埋啲噉嘅地方呀？
常威：当然，当然……
包龙星：我绝对冇做过龟公，我只系匿埋寒窗苦读，写好状词，谂住再告御状啫。
常昆：你冇做过龟公？好，人嚟，快啲同我传三姑。
尚书：好彩收到料咋，今次佢重唔死。
常昆：皇上，呢个女人就系凤来楼嘅老板娘，不如叫佢认认包龙星呀。
老板娘：系，大人。啊……
常昆：系唔系你哋妓院架龟佬呀？
老板娘：唔系，我未见过佢嘅。……望咩呀？未见过靓女呀？（对包龙星说）。
常昆：得嘞得嘞，企埋一边。
皇帝：既然佢唔系龟公，朕可以信佢喇。包龙星，你有咩冤情，可以同大家讲。
包龙星：皇上，小人本来系九品候补知县，但系惨畀上司七品知县陈百祥欺压，将一宗灭门惨案颠倒是非。女事主怀胎十月都重要处斩，请皇上主持公道。
常威：皇上，佢系一面之词，而且重系通缉犯。
皇上：究竟佢犯咩事畀人通缉。
尚书：佢扰人尸体。
包龙星：其实小人只系调查死者嘅死因，而死因确有可疑之处架。
皇上：双方都有啲道理，真系令朕费晒思量。（灵光一闪）啊，不如我哋就赌一铺哩。呢个就系番邦进口架苹果。若然你能够一刀飞中个苹果架话，朕就将案件发还重审。
常昆、尚书：啊！皇上，三思吖。
皇帝：若然飞唔中架话，就即刻拉出去斩。
常昆、尚书：皇上，一于系噉喇。
皇帝：不过放喺台就好难掟嘅。不如就放喺朕架头顶上边哩。
常昆、尚书：皇上，保重呀。
尚书（上前）：保重龙体吖。
皇帝：卿家果然忠军爱国，不愧系国家架栋梁。朕就赐你代替朕嘅位置嚟顶住呢个苹果。（将苹果放在尚书的头上）掟喇。
包龙星：哦，你嚟啊，好啊！皇上，请问声，可唔可以准许小人蒙住双眼至掟哩？
皇帝：你习惯蒙住双眼嚟掟架咩？
包龙星：唔系，皆因小人见到血会晕架。
皇帝：准奏！
包龙星：嚟啊！
尚书：啊啊……皇上，我睇呢件案有极大嘅冤情，不如发还重审喇。
皇帝：冇勉强㖞。
尚书：绝对冇勉强，我系正义而讲嘅。
皇帝：包龙星上前听封，包龙星，朕就封你为八府巡案，连同提督大人，尚书大人，三司会审戚家灭门惨案。豹头，朕就封你为你为忠心保护八府巡案英明神武，高手高手高高手，会同包卿家你去。
包龙星，豹头：谢皇上。
包龙星：皇上，请问八府巡案即系几多品官呢？
皇帝：一品。
包龙星：好嘢……皇上，真系多谢晒你嘞。
皇帝：帮到尽嘞，宵夜你请。
包龙星：不如去凤来楼呀。
皇帝：好嘢！
刑场
（戚秦氏正要被斩）
陈知县（扔下令牌）：时辰已到，斩！
豹头：刀下留人。
陈知县：唔好理佢，斩……
（豹头救下戚秦氏）
豹头：皇上圣旨，刀下留人，将犯妇人戚秦氏暂且收监，等八府巡案包大人择日重审。
街道
路人一：收档喇，包大人要同戚家二少奶伸冤嗱。
路人二：噉都要去帮拖呀。
衙门
包龙星：阿爹，我今日一定要同你省招牌。
豹头：啊！
有为：做咩呀？
豹头：点解你口黑面黑咖？
有为：阿叔话唔黑唔似包青天嗱，所以特登晒黑啲呀。阿叔哩？！
豹头：大人。
有为：咦，阿叔，点解你咁白净嘅？
包龙星：我带住个面具嚟晒，净系晒个印咋嘛。
有为：哦——！
包龙星：哗，乜你晒到好似非洲鸡噉呀？
有为：领咗人嘢啰。
公堂
声音：今日本府有戚家十三口被杀一案，被都察院发回本应重审，奉圣谕三司会审，主审系八府巡案包龙星包大人，陪同重审嘅刑部尚书花大人，水师提督常大人，同本县陈大人。（拳击出场模式）
陈知县：公堂之上，保持肃静。（被一鸡蛋打中）（方唐镜出场）
尚书：嗱，今乜架规矩呢，就系唔准讲粗口，唔准提人老窦老母，唔准提性器官。
包龙星：我系八府巡案，畀返少少特权好㖞。
尚书：我好难做架，最多畀你提“老母”嘞。
包龙星：就提你老妈。（尚书晕倒）
有为：定！阿叔，你赢梗架。燕窝叔叔（漱口）。
尚书：呢个八府巡案不过张台大啲，就唔使惊佢，一于噍佢！（方唐镜刷牙）
有为：湿吓个口。
陈知县：你唔使惊佢咖，我哋有李莲英李公公照住吖嘛，一于使尽法宝噍佢！
尚书：噍佢。
（当~~~，摇钟，第一回合）
方唐镜：大……
包龙星：大咩大？
方唐镜：我叫大人啫。
包龙星：人咩人？
方唐镜：大人叫得唔啱呀？
包龙星：叫又得，睥唔得。
方唐镜：我睥咩睥？
包龙星：你睥，我都睥。
方唐镜：你唔睥我点知我睥你呀？
包龙星：我大人睥你贱人得，你贱人睥我大人唔得。
方唐镜：哼！我堂堂一个举人，你叫我贱人？我要告上朝廷。
包龙星：贱人！贱人！贱人！
常昆：大人你噉讲就唔啱嘞，佢话晒都系朝廷钦……
包龙星：钦你老母！
常昆：啊！你唔可以喺公堂之上……
包龙星：公你老母。
尚书：大人，唔使用到老母咁尽吓哗？
包龙星：尽你老母架老母。你重唔系贱？我今乜身为八府巡案，嚟重审呢件案，都未有传召你，你行出嚟畀我闹嘞，你系咪犯贱？系咪？你自己讲，系咪犯贱？（方唐镜倒退）你咪走。（飞身跳起，只见包龙星和有为跳过桌子，豹头爬到在地）晓！重话高手，真 系！
有为：噗！
包龙星：未叫你，你就企出嚟。一系做贼心虚，一系身有屎，你讲，你系咪？
方唐镜：我同啲街坊入入嚟睇热闹架啫，不过企出嘞少少，最多咪企返埋去。
包龙星：冇讲咁多嘢，企返埋……黄线以内，黄线以内，企……
方唐镜：到咗，吹呀吓？咬我食咩？死嘞，企返出嚟。唉，又企返入去。咬我食咩？弹出弹入㖞，打我呀笨？！
包龙星，有为：好呀。（狂殴方唐镜）
包龙星：二口六面听住架喇，佢叫打我先打架咋真系。
有为：有啲噉架嗜好，咁大个仔都未听过。
常昆：大人，应该先传犯妇人戚秦氏噃。
包龙星：犯妇人，你有咩冤情，即管讲出嚟，我同尚书大人会同你作主架嘞。
尚书：大人嗱，你作主得架嘞，我帮头帮尾架咋。
戚秦氏：大人，犯妇人一家十三口都系畀常威所杀，我重畀佢侮辱咗，请大人伸冤呀。
包龙星：传常威。
常威：参见各位大人。
包龙星：阿常生，你知唔知戚家十三口系点死架？
常威：系佢害死嘅。
包龙星：好，传回春堂朱二同仵作。
朱二，验尸官：大人。
包龙星：朱二，你上次话，戚秦氏喺你度买咗一斤砒霜，系唔系？
朱二：冇错，大人。
包龙星：仵作，上次你话喺戚家发觉呢煲糖水系有毒架，系唔系？
验尸官：系吖，大人。
包龙星：各位，呢度有一煲糖水，一斤砒霜，倒晒落去之后。哗，顶你个肺吖！重极过芝麻糊，呢啲噉嘅嘢会有人肯饮？
陈知县：或者戚家啲人猪头柄啫，冇计架嘛。
包龙星：喂，唔啱你整啖呀，好嘢嚟架，饮咗你会飞天架。
陈知县：救命啊……
包龙星：你又够猪头柄嘞啩？都唔制吖，唔通戚家上下会猪得过你？
常昆：佢买一斤砒霜，未必要落晒嘅。
包龙星：噉未用过架砒霜去咗边度？我揾过戚家上上下下，都揾唔到。更何况，一个凶手如果用唔到咁多毒药，为咩事要买咁多嚟惹人怀疑？所以实情就系，你讲大话。
朱二：我冇讲大话呀大人。
*包龙星：冇？呢本账簿佢喺你铺头挞嘅，砒霜根本上就好少人买，呢一年嚟你只系入过半斤砒霜，何来有人买一斤砒霜走呀？
朱二：可能系小人记错咗啫，大人。
包龙星：记错？你几个月前记错，你家吓你又记错？你咁多记错（欲踢）？高手！
豹头：小人在。
包龙星：我叫你起返戚家十三条尸骨出嚟查验，有咩结果？
豹头：大人请转身。
包龙星：啊！（有为拿着两句骷髅）
豹头：大人，你睇，每副尸首只系喉部发黑，其他部分好正常,以我豹头当差三十年经验所得，死者一定系死后畀人灌毒，所以呢毒只系留喺喉骨，而落唔到去腹部，每一副尸骨都有骨折架痕迹，而且用钢针接上，分明 系死于一个武功高手架重手之下，而事后就有人隐藏死因。
包龙星：常威，你听到嘞？
方唐镜：嗳，大人，噉唔关我事嘞。嗱，佢都识话喇，死者系死于武功高手重手之下架，我嚟常公子根本又唔识武功架，噉点可以证明佢杀人嗱？
包龙星：佢唔识武功，嗰晚捉得佢咁辛苦？
常威：系我天生大力啫。
包龙星：系咩？人嚟。大刑伺候。（想）唔反抗，就夹到你仆街；一反抗，就证明你识武功。
声音：李公公到。
常威：契爷。
众狗官：参见李公公。
常昆：义兄。
李公公：各位大人辛苦嘞，我嚟呢度系听审嘅，顺便带多少嘢畀我架契仔阿威啫。
常威：契爷。
李公公：你要好好哋做人嗱，若然作奸犯科呢，连契爷都唔容得你咖，不过有边个想欺负你，冤枉你嘅话，嘿嘿……亦都唔系咁容易嘅。
包龙星，有为，豹头：梗系喇。梗系喇。
李公公：呢件就系老佛爷赐畀你架黄马褂嘞。嗱，你着咗上身之后呢，除咗皇上，边个都唔打得你。
（当~~~，摇钟，第二回合）
豹头：大人。（搽汗）
有为：阿叔呀，家吓唔打得佢，噉点算哩？
包龙星：爆阴毒添嗱！
方唐镜：大人，虽然戚家十三口唔系中毒而死，但亦都有可能系戚秦氏雇佣杀手杀架㖞，而且嗰晚都有更佬见到常威畀人打嘞，正话要用刑嘅，应该系戚秦氏至啱㖞。
尚书：冇错，人嚟，大刑伺候。
包龙星：尚书大人都算机灵。风吹边便，就向住边便摆，真系佩服，佩服。
尚书：包大人，你噉讲咩意思呀？
包龙星：冇，讲吓嘢啫，唔啱听咪讲过第二样啰。你……
尚书：唔准讲老母。
李公公：头先边个大人话要施用大刑架话？
常昆：冇错，包大人唔好叉开话题。人嚟，将犯妇人上夹棍。
衙役：系。
包龙星：咪住。你话夹话夹呀，我话唔准夹。
李公公：咩话？哼！好大架官威吖，包大人。若果畀你做多两年官，恐怕连老佛爷你都唔放在眼内架喇。
包龙星：当然唔会放喺眼内喇，老佛爷系摆个心里便嚟尊重嘅，好似你噉，成日挂喺个嘴边嚟讲，讲到低晒吖！你咩居心呀你？
李公公：你……
包龙星：你老母凑大你咁辛苦，你走去做太监，是为不孝；唔尊重老佛爷，是为不忠；你个不忠不孝嘅死人妖，坐喺度“un un脚”做咩呀？
李公公：你好大架胆啊，你连我都敢闹？
包龙星：我堂堂八府巡案，呢度公堂最大我。喂，你区区一个内务总管五品官，重要嚟旁听嘅，我企喺度，你够胆坐？我唔闹你，闹边个呀？
李公公：好，等我奏明皇上，将你抄……
包龙星：抄你老窦，行得出呢个公堂再算喇你，人嚟，落闸，放狗。（众侍卫拔刀，包龙星牵着豹头和有为）
众狗官：包大人……
包龙星：唔使帮拖，呢度有我搞掂。
李公公：我唔同你口舌之争，快啲审案。
包龙星：好呀。屎窟鬼。
李公公：你闹边个？
包龙星：边个应咪闹边个啰。
李公公：啊！你呢个小王八蛋，我唔理你。
包龙星：阴阳贼。
李公公：我顶你个肺！我塞你个胃！我抦到你花开又富贵！
包龙星：阴阳屎窟鬼。
李公公，包龙星：§◎ # ☆ ⊙ ※ ◎ ★ ……（激烈对骂）
……
（打更人，来福，弄婆吓的哆嗦）
一人：大人。
豹头：包大人而家拖延紧时间，我嚟去恐吓证人。
一人：系。
豹头：去。
一人：系。
来福：嗰个咪系仵作？
打更佬：系吖。
打更佬：做咩打成噉嘅？
豹头：佢喺公堂讲大话，畀包大人查咗出嚟，原来佢收黑钱，冤枉呢个犯妇人，所以将佢打成噉样。回春堂掌柜朱二，重畀包大人下令用虎头铡拦腰将佢铡开两段添。
（有为假扮朱二被铡后上半身在地方爬，吴好缇和吴广德在下面推有为）
有为：啊！
来福：救命呀！你做乜嘢呀？做乜嘢呀？
有为：痛死我喇！痛死我喇！
来福：我脚痹吖，走唔喐呀。
有为：千祈冇讲大话。
来福：冇行埋嚟啊！
有为：痛死我喇！我以后唔敢讲大话。
来福：做乜嘢呀？救命呀！你喺我下便搞乜嘢呀？
有为：我写个“惨”字呀。
来福：我都唔识字嘅，你冇搞我喇。
有为：哎吖，我死嘞。
豹头：到你哋上堂。
……
（包龙星和李公公还在对骂，众人累倒在地）
包龙星：你吖，柠檬头，复鼠眼，垫勾鼻，八字眉，葵扇耳，何豆嘴，老羌牙，灯芯颈，鸳鸯膊，长短手，高矮脚，鸡胸，狗肚，饭桶腰。我系你，我死咗佢啦。
李公公：你……
包龙星：你一到晚除裤瞓，周身箩柚印，抵你插住碌棍啰。
李公公：我顶你个……
尚书：李公公，你冇嘢吖嘛？坐低先，嚟……
李公公：我抦你花开富贵。
常昆：喂喂，包大人嗱，点解重唔用刑呀？你特登闹交闹咗三四个时辰，系咪有心拖延时间？
包龙星：当然唔系喇，继续。
豹头：传打更佬，来福，弄婆。
打更佬：大人，大人，我哋讲真话喇。
方唐镜：嗳嗳嗳，一件还一件，应该先审过戚秦氏先嗱。
常昆：冇错，而家未轮到你哋。先将戚秦氏用刑。
戚秦氏：啊……好痛啊。
尚书：诈死吖。
戚秦氏：好痛呀！唔系吖，我就嚟生嘞。
尚书：大胆妇人，分明系诈肚痛，人嚟，用刑。
慢着，咪住，有弄婆喺度，佢接惯生，系咪作到，佢一验就知架嘞。
戚秦氏：好痛呀。
弄婆：系吖，大人，佢真系苏得架嘞。
尚书：李公公，你架意思点呀？
李公公：又唔系我审，你哋决定喇。
尚书：我哋四个表决一下，边个赞成用刑嘅，举手。（除包龙星外全举手）哦，三比一，用刑。
包龙星：唔准。要表决就全个公堂嘅人一齐表决，边个赞成犯妇人苏咗先架举手。（众人举手，李公公侍卫一人举手，然后全举手）点睇呀？提督大人。
尚书：众怒难犯嗱。
常昆：好喇，畀佢生咗先嗱。
尚书：本官批准犯妇人退下产子。
戚秦氏：好痛呀。
包龙星：打更佬，上次你份口供前后不符，我畀多最后一次机会你讲多次，当日你入戚家见到啲咩？
打更佬：我……，（看见豹头拖着两条腿走过）啊！大人，我见到常威打来福，噉戚家只狗就扑埋去咬常威吖，常威就踢到只狗飞起死咗，跟住来福佢走嘞，我都想走架，点知 畀常威一脚踢埋嚟，我晕咗嘞。
包龙星：噉点解你上次唔系噉讲嘅？
打更佬：上次阿方唐镜畀咗五百两我，叫我噉讲嘅，大人，你千祈唔好铡我呀。
方唐镜：你唔好乱讲㖞。
包龙星：一个乱讲啫，唔通个个乱讲？来福，当晚究竟你见到啲咩嘢？
来福：我唔记得晒嘞。
尚书：你系咪同戚家少奶通奸？佢叫你杀死戚家十三口嘅？
来福：唔关我事咖，我净系同佢通奸咋嘛。
包龙星：你话戚秦氏因为欣赏你文才，所以送咗首情诗过你㖞？
来福：系。
包龙星：人嚟，将证物情诗交畀佢。
包龙星：你再读多次嚟听听。
来福：金凤玉露一相逢，更胜却人间无数。两情若是久长时，又岂在朝朝……
包龙星：少咗几个字哩？呢首系“床前明月光，疑是地上霜”呀，死蠢，呢个系咩字呀？真系唔识“死”字点写呀，盲字唔识多个，够胆话少奶欣赏你文才同你通奸？人嚟，铡佢。
来福：唔好呀，大人，冤枉呀。系方唐镜畀五千两我冤枉二少奶架咋，我重有三千两塞喺屋企灶底吖。
方唐镜：你个仆街，食碗面反碗底？系你通奸就通奸，大人，铡佢啊。
来福：大人，唔关我事咖，我有证据，我根本就唔可以同二少奶通奸嘅，我攞畀你睇。
包龙星：冇讲咁多，攞出嚟呀。（来福脱裤子）哎吖！
来福：小人自幼家贫，所以就自己阉咗，谂住入宫做太监，点知又冇钱疏通，做唔成，噉咪喺戚家做工啰，噉我又点同二少奶通奸㖞？
包龙星：原来又系一个死太监。
李公公：嗯！
包龙星：你悭啲喇，唔系话你呀。嗱，而家好嘞，我哋先将方唐镜嘅功名革除，再慢慢审佢贿赂之罪，啱唔啱听呀大人？
尚书：啱，讲咩都好听架嘞。
包龙星：方唐镜，你好一五一十将个真相讲晒出嚟，我或者可以考虑将你轻判，讲呀。
李公公：方唐镜同来福，私相贿赂，两个人都应该铡。
方唐镜，来福：你都算阴毒嘞。
李公公：大胆，掌嘴。（两人被打昏）
有为：十三叔，打到佢哋两个不似人形，连人证都冇，噉点搞？
奶奶：十三，我攞咗尚方宝剑畀你吖。
包龙星：阿妈你……
有为：阿嫲，唔好玩喇，家吓我哋好唔得闲嗱。
包龙星：出返去先，条咸鱼你自己蒸咗佢食喇。
奶奶：唔系咸鱼，系真架喇。（拿开剑套）
李公公：尚方宝剑？
有为：阿叔呀，睇清楚好㖞，话唔定今次系条膶肠嚟咋㖞。（包龙星拔剑）
包龙星，有为：哇！真系尚方宝剑呀。
包龙星：常威，你以为你着住黄马褂，我打你唔到吓嘛？喺我白面包青天面前，你冇得狡辩，等我用把宝剑将你逐只手指斩落嚟，问你招唔招供？（常威躲到李公公身后）屎窟鬼你借歪吖嗱，呢把宝剑上斩昏君下斩谗臣，斩亲你，唔好意思呀。
李公公：大清开国咁多年，从来未听说有咩尚方宝剑，你嗰把咩剑？
包龙星：尚方宝剑，呢高级嘢，你啲二打六梗唔识喇。
有为：阿嫲，话畀佢哋听，呢把宝剑系边个皇帝赐畀我哋包家嘅。
奶奶：系明朝崇祯皇帝。
包龙星，有为：明朝？
李公公：你用明朝架剑斩清朝架官？
常昆：你摆明系作反。
包龙星：其实系噉嘅，我见现场太过紧张，咪同我老母诙谐吓，旨在搞吓气氛，唔系咁介怀吓哗？
李公公：如果你吞咗佢，我就当你玩嗱。
包龙星：哈哈……好，你话点咪点啰。（吞剑绝技，剑头从屁股后面出来）多谢！多谢晒！畀面喇大家，多谢！冇事啦，家吓？返埋位继续审。
李公公：刚才架事算喇，你再攞唔出咩证据控告常威，你就退堂，噉常威就无罪释放。
（小孩哭声）
有为：哎吖，生咗嘞，恭喜喇，恭喜喇。
李公公：唔准胡闹，快啲决定。
包龙星：既然系噉我冇法子嘞，唯有玩一铺滴血认亲。
李公公：滴血认亲？
常威：滴血认亲？
包龙星：冇错。
豹头：啊……吓吓佢先。
包龙星：嗱，常威你口口声声话冇强奸个犯妇人，噉佢生个仔一定唔关你事架，你哋架血一定捞唔埋嘅，如果你够胆滴，就证明你冇讲大话。
有为：如果你唔敢滴，就证明你系奸夫。
李公公：去吖。
常威：哼！怕咩呀？
（常威和小孩的滴血认亲）
包龙星：哦！沟得埋嘅，你就系凶手。分明系先强奸后杀人，冇得抵赖嘞啩？人嚟，虎头铡侍侯。
常威：冇理由架，冇理由架，契爷，个仔唔系我架，绝对唔系我架，契爷，你帮我呀！你帮我呀！
李公公：唔使惊，唔使惊，有我喺度。
包龙星：如果你唔系奸夫，两滴血点会沟得埋？嗰个一定系你架仔，你冇得解释呀。
常威：一定唔系我架，嗰晚诊完佢之后，第二日就话有咗，边有咁快呀？
包龙星，有为，豹头：哦，嗰晚诊完？
李公公：你呢个畜生呀，你够胆呃我呀？
包龙星：开心喇？真相大白嘞。
李公公：（巴掌）我唔理你架嘞。
常威妻：唔该借借。相公，你做乜嘢呀？
常威：老婆，你走嚟呢度做咩呀？
常威妻：唔系你同老爷叫我带苏虾嚟架咩？
常威：嗰个系我哋架仔？你话，嗰个系我哋架仔？你个冚家富贵，你阴我？
有为：阴你咪阴你啰？做咩呀？
包龙星：讲咁多做咩呀？落闸，放狗。
李公公：我唔理嘞，我走。
常威：契爷！契爷！（挟持李公公）冇埋嚟呀。
常昆：衰仔，你想造反呀？
包龙星：一早话你识武功架嘞？呢铺你重唔断到正正？
常威：咪出嚟，我捻死佢呀！
包龙星：李公公，今次委屈你为国家捐躯嘞。我会奏明圣上，将你风光大葬嘅。落闸，放狗。
（豹头上前救下李公公，与常威打斗）
包龙星：豹头，掟佢埋嚟。
豹头：大人，系我呀。
包龙星：见到，出去打过喇，高手。
（豹头发威，将常威腿打断，推进铡刀，常威被铡）
街道
（尚书，常昆陈知县被囚车押送，路人狂丢蔬菜）
尚书：畀你害死我喇。
常昆：重讲，我踢死你吖嗱？！
陈知县：唔该你大哥，唔好浪得咁大力啦，我坐倒头车会晕车浪架。
（包龙星点着鞭炮）
戚秦氏：恭喜包大人生意兴隆。
包龙星：哎吖，多谢，多谢。但我而家已经冇做官喇。
吴广德：哎，妹夫呀，做乜事有官不做，走嚟开药方呀？
包龙星：以你架智慧，好难解释你听架㖞。
戚秦氏：喂，你睇吓你个细妹同埋如烟。（两人大肚子）
包龙星：老婆，哎，小心啲呀，锡啖先。
有为：大婶，二婶。
戚秦氏：我呢将我先夫嗰张包生仔嘅药方畀咗包大人㖞，佢食咗之后就双喜临门，而家重做埋生意添噃。
（揭匾：印度神丹，众人抢购）
印度人：印度嚟咖。
包龙星：我之所以有今日，多得皇上架提携，我对佢都非常挂念架，好在我重收藏皇上呢一条龙底横，闻一闻，好精神，嗍一嗍，疏筋活络，舐一舐，唔会两头摆添咖。嚟吖，唔好执输呀。
老板娘：嗯……
豹头：恬亲王到。
包龙星：哎，王爷大驾光临，有失远迎，恕罪，恕罪。
恬亲王：包卿，今乜你开张，我唔可以恭喜你，有个坏消息讲你知，皇上驾崩。
包龙星：啊！皇上……点解会噉架？点解会噉架？（用龙内裤擦泪）皇上究竟点死架？
恬亲王：病啰。
包龙星：咩病呀？
恬亲王：系……花柳病！
包龙星：哎吖……
（众人躲避龙内裤）
（全剧完）
|
