|
（众仙纷至沓来，齐聚凌霄宝殿）
众仙：参见玉帝！
玉帝：众卿家，大发雷霆，所为何事？（手指王母）王母，你讲先？
王母：玉帝，降龙罗汉将我樖蟠桃树嗰啲仙桃冚棒冷偷晒畀牛郎嗰啲牛食呀！
某神仙：嘿！点止呀？佢重串通啲喜鹊日日搭条鹊桥畀牛郎织女幽会。仆街喇，已经屙咗成窦仔女出嚟喇！
月老：玉帝，下便凡间啲男女关系应该由我管开嘅，点知佢嚟到搞乱档摊，搞到皇帝走去追只鸡，堂堂一个公主要同乞儿私奔㖞。
二郎神：我话佢两句咋嘛，个衰人就偷咗我只啸天犬去炆枝竹啰。
玉帝：你系边鬼个呀？
二郎神：在下二郎神嗱。玉帝，（摊开掌心）我只眼都系畀个衰人毒盲埋嘅。呢只都系啸天犬嘅老替嚟啫。
财神：国有国法，天有天条，呢个降龙目无王法，我希望玉帝批准我喐佢。
玉帝：财神，你唔使咁冲动。
阎王：嘿，呢啲算小事啊！佢挞咗我本生死册，改到乱晒坑，凡间十八年嚟都未死过人。搞到仵作佬冇得捞。重搞咗五六百岁人魔出嚟。玉帝
，呢坛嘢你搞唔掂佢，我阎王一于告上九重天，玩大佢为止。
玉帝：人嚟，马上同我捉降龙上殿。（伏虎畀掹咗上嚟）
伏虎：使唔使咁大力咖？瞓紧晏觉吖嘛，大佬！啊……，乜咁人齐呀，各位？
众仙：咩呀？你边系降龙？你系伏虎咋嘛。
伏虎：一样啫，降龙伏虎一样之嘛。
玉帝：伏虎！
伏虎：啊！玉帝！
玉帝：又唔关你事，你做咩上嚟呀？
伏虎：我咪代表降龙嚟同大家道个歉啰吓。
王母：你咁有义气，恐怕你都有份嗱。
伏虎：喂！边关我事呢？我……
降龙：超！神仙大晒咩？（喺伏虎面前停低，手揸砵）伏虎，你硬系多事干嘅。不过做兄弟都算几够雷，心领嘞。
伏虎：多谢！多谢！喂，家吓噉嘅情况求祈认句错咪“young”啰。
灶君：认句错就想“young”呀？
降龙、伏虎（同声同气）：我哋两兄弟讲嘢，几时轮到你插嘴呀？
降龙：你个灶君，逢年尾喺下便揾着数，人哋畀唔够你你就上嚟唱衰人哋系咪？插佢！
灶君：喂，啱啱插完重好痛㖞，又插？
王母：区区一个罗汉，咩事你都要理过，岂有此理，你偷咗我蟠桃你好赔嘞噃。
降龙：王母，分啲畀人冇乜大不了呀。你年年生日喫蟠桃都喫到腬啦，今年转吓口味喫条蕉呀！
（二郎神只狗吠，降龙转身）
降龙：咩呀？条气唔顺当面同我讲，唔好揾只狗吠吠贡，咪以为换咗斑点，我照噍，讲你听呀。到边个？
伏虎：到边个？（指月老）就系你喇！
降龙（埋嚟）：你呢个月老，恃住有几条红线就将下便啲凡人玩到谢！好似嗰个梁山伯同祝英台噉咋嘛，你做咩系都唔肯将人绑埋一齐啫，搞
到人撞晒坟呕晒血噉呀，人哋咩对你唔住吖？你老嘞，你好退休啦，唔系啲红绳迟啲呀实绑到乱晒龙，就搞到呢，男同男、女同女，再搞落去
呢就人同猪，曱甴同牛，噉你话喇？
伏虎：最惨就莲藕同石头啊。
降龙：插佢！
伏虎：插佢！
阎王：人哋几呀岁，咪掐得掐噃。
降龙：做架粱呀，阎罗王你？
伏虎：插佢！
降龙：哎！唔好下下话插，家吓我哋系讲道理嘅。（对阎王）点解下便凡间有个女人，生咗十六个女，你都唔肯畀个仔人哋，点解？搞到个女
人终于睇唔开，跳海自尽，落到下边，佢都重要话人哋系枉死，将人抌咗落个油镬嗰度炸到好似个咸煎饼噉样。啊！你话天理何在呀？（晕）
伏虎：降龙，降龙……
玉帝：晕就得架喇？人嘅命运，一早已成定数，并无不妥，几时轮到你无理取闹呀？我哋只系照例执行啫。
伏虎：玉帝……
降龙（醒返）：咩照例执行呀？边个定嘅例呀？边个够胆一定话啱架？正所谓天外有天，玉帝你定嘅嘢若然畀九重天嘅普萨听到，怕且觉得白
痴兼搞笑喎。
财神（挺身而出）：太过分嘞。玉帝，各位仙友，本人觉得降龙罗汉实在太嚣张，我财神为咗顾全大局，请玉帝批准我同佢只抽。
（众仙大笑）
玉帝：收嗲！你收嗲喇！
财神：我要同佢只抽！
月老：吓死人咩？
财神：我要同佢死过！我唔会放过你架！
伏虎：吓得我吖！
玉帝：听住！就算天条几咁唔啱，总有一条可以定你嘅罪，押佢两个落去凡间，一个做猪，一个做狗，十世不得轮回！
降龙：咪住先！
玉帝：咩事呀？
降龙：你话做就做呀？
玉帝：我话做就做啰。
降龙：噉我够话你做曱甴，一齐呀！
玉帝：哎吖！拉佢两个落去！
降龙：咩呀？
伏虎：咪住！唔好乱嚟！唔好乱嚟！
（观音大士出场）
众仙：参见大士！
观音：玉帝，我哋每一位成仙至今，少说亦有一万几千年。世情种种，凡间一切，对我哋嚟讲，系遥远而微不足道架。今日畀降龙罗汉噉闹一闹，或者系一个机缘。何不借呢一个机缘嚟了解吓凡人重 系咪咁愚昧无知抑或有所进步。
降龙：听观音大士讲嘢，真系听出耳油！
伏虎：舒服！舒服！
阎王：大士，呢个小主借住为人间报不平为借口，以下犯上啫。
伏虎：你唔好乱讲呀，阎罗王！
降龙：哎！大士自有分数嘅。
观音：降龙，你做咁多嘢，目的何在呀？
降龙（清清喉咙）：我只系想呢班自以为高高在上嘅神仙能够真真正正噉体验一下啲凡人，因为佢哋一世人只得区区几呀年命，唔好因为做咗
一两次错事就翻唔到身。因为细佬我相信，无论佢哋几蠢几无知，几恶几抵死都好，始终都系，即系，都系……
众仙：都系咩呀？
月老：都系咩呀？
王母：讲呀！
降龙：个意思即系……
观音：都系人间有情！系咪呀，降龙？
降龙：系，就系呢样！
王母：嘿，不如噉吖，亲身落去凡间体验一下，由你开始，好唔好吖？
降龙：怕你呀？我正有此意。
阎王：噉你点证明呀？
玉帝：我哋已经拣咗三个人版，呢三个人嘅命运已经注定咗，一个要做九世乞儿，一个要做九世草鸡，一个系九世恶人。降龙，如果你能够改
变佢哋嘅命运嘅话，噉就算你赢嘞。
王母：嗯，你讲得啲神仙咁衰吖，好！你就用凡人嘅身分落去，唔准用法力，呵……
伏虎：唔准带法力？
观音：唔用都啱嘅。降龙，就用你嘅诚意去感化佢哋。
降龙：好，保证唔会令你失望。你等我。
观音：我就畀三日时间你。
降龙：多谢，不过两日半已经够。
（南天门）
侍卫：哼！唔系事必要你听，但系你今物所听嘅一切，如果唔照足嚟做，噉你就以后就唔使旨意返上天宫嘞。第一、除非你有公文批准，否则
唔准擅自进入天宫。第二、你唔可带任何法力落去。
（伏虎走嚟）
伏虎：阿龙！龙！一路顺风！
降龙：大家噉话！（拍掌）
伏虎：好兄弟！
降龙：好兄弟！重有咩同我讲？
伏虎：你死梗架你。打你又唔晓打，法术又唔准你用。你落到去重有唔死咩？
降龙：多谢！
伏虎：乜说话？
（观音出现）
观音：降龙，你唔会死架。你喺凡间磨灭嘅时候，剩低咗个金身，只要你揾到个金身合而为一，就可以保住肉身不灭，可以穿梭阴阳间，你要
靠佢先至可以上返天宫。
降龙：实在太好嘞。
观音：今次旅程险阻重重，送你一把心想事成扇。呢把扇每日只可以用三次。每用一次就会出现裂痕一道，三次之后要等第日日出裂痕自动消
失方可再用。
降龙：一日得三次咁凄凉？
伏虎：唔凄凉呀！好过冇呀！
观音：呢把扇不能改变生死，不能改变人心意蕴，只不过系一种掩眼法。但系凡人往往会迷惑于眼前嘅事物，所以都足够你应付有余。
降龙：多谢大士。
观音：凡事小心，切记千祈唔好入邪道。
降龙：我唔会架。
伏虎：喂喂喂，大士明醒你咖，冇呢把扇你就大剂嘞。
（降龙畀侍卫踢落去）
伏虎：喂喂喂，降龙！（转身对侍卫）喂，噉你即系整蛊啫，佢连把扇都未攞你一脚“young”佢落去。
侍卫：玉帝规定呢个时辰架㖞。（行开）
伏虎：喂，咩玉帝规定啫？喂，你系咪做嘢咖你真系！（见到黄一飞当更）
伏虎：喂，你喺度做咩呀？
奇离怪：转更呀。
伏虎：陪我一齐落去攞把扇畀降龙。
奇离怪：喂喂喂，你冇批文，落到去你冇法力见唔到啲凡人咖。
伏虎：哎！噉所以咪要你同我一齐落去啰。呢度除咗玉帝之外吖，只有你一个人可以自由出入家嘛。
黄一飞（甩手）：哎吔，唔得架，犯天条架。
伏虎：犯咩天条呀？一次之嘛。好快返嚟架喇。行喇。
奇离怪：
伏虎：降龙煲啸天食你都有份食㖞。王母娘娘嘅蟠桃你咬两啖呀！九天玄女两个婢女冲凉嗰日，你个冚家铲，偷睇！
喂喂喂，冇讲，冇爆出嚟呀！
伏虎：系咪贱格呢？系要爆晒你啲嘢出嚟阵就范。
奇离怪：早去早回喇！
伏虎：惊架呢咩？
奇离怪：畀人知道唔系几好意思架。
（人间，一间寺庙）
住持：左右两边就系十八罗汉。降龙伏虎呢就系呢一便嚟喇，至于求子啰㖞，噉物梗系要拜观音大士呀。
李妻：大慈大悲观世音普萨，求你保佑我可以生返个仔。希望大士真系显灵喇，若然唔系，过埋今年我就四十架嘞。
李茂春：我李茂春任节度使多年，自问为官清廉，问心无愧。呢啲嘢唔需要太强求架。
李妻：就系因为你行得正，企得正，个天冇理由要我李家绝后。（走去大师身边）大师。
李茂春：大师。
大师：左右两边就十八罗汉，降龙伏虎喺嗰便，求子呢梗系……
李茂春：大师，你头先经已讲过嘞。
李妻：我哋未拜神嗱。
大师：哦，拜神！拜神！
（降龙飞去两人脚底）
大师（执起罗汉）：降龙罗汉？！
李妻：大师，我哋想……
大师：我记得，要生仔吖嘛？（抿嘴笑）冇问题！
李妻：又会佗咗十八个月都重未出世嘅？
李茂春：你唔使咁担心嘅，夫人！
（走入一婢女）
婢女：老爷，夫人，你睇吓！（扐住一篮蘑菇）
李茂春：喺边度摘咖？
婢女：呢，嗰度啰。（两人走出中堂，见到柱上便着满晒啲蘑菇，啲工人都喺度摘蘑菇）
众工人：老爷，夫人！
李妻：老爷呀！点解会噉咖？
李茂春：以前有显贵嘅诞生就会有灵芝异象嘅出现，但系而家噉样睇嚟……
一工人：噉我哋呢一位未出世嘅少爷一定系贵人嚟架嘞。
李茂春：而家搞到成家都系冬菇，夫人，呢个仔……
李妻：你自己同佢讲喇，佢而家出紧嚟。
婢女（报喜）：恭喜老爷，夫人生咗嘞。
李茂春：仔定女呀？
婢女：仔嚟架。恭喜老爷！
工人：恭喜老爷！
李茂春：哈哈哈……
（伏虎同黄一飞降临人间）
伏虎：又会降咗落喺呢处咖？呢度咩地方呀？
奇离怪：街啰。
伏虎：街？仆你臭街嘅街呀？我叫你带我去降龙投胎嗰度吖嘛。
奇离怪：行过几条咪系啰。
伏虎：噉都会降落错架。
奇离怪：鬼叫你正话喐嚟喐去？
（李家）
李妻：个仔去做边度呀？
李茂春：我都唔知㖞。
（走入嚟一班人）
老坑：冚家富贵！嗰间死人铺头，食完出嚟个个都肚痛嘅。唉——！求吓你呀，借个茅厕畀我哋用用，十万火急呀！我哋得两间茅厕咋，随便
嗱。
老坑：忍无可忍呀！
妇女：有冇风度咖？噉就走咗去。
老太婆：就嚟攋喇。
（伏虎、黄一飞出现）
伏虎：喺呢处嘞嘛。哎！降龙，哎！
降龙：哗！大佬，等你好耐呀，大佬！
伏虎：唔关我事呀！奇离怪咯，带住我左兜右兜噉。哎！冇讲咁多嘞，攞返把扇先嗱。
降龙：叫你买两只蟋蟀都买咁耐嘅。
工人：哎吔，拣只至好打吖嘛！
伏虎：死嘞，佢睇我唔到㖞。
奇离怪：佢已经系凡人嚟架嘞。想同佢接触呀，你要转世投胎变成肉身。
伏虎：佢都牛高马大嘞，投胎都嚟唔切喇。
奇离怪：上面一日咋，凡间就十年架嘞。不过唔使惊，我会吹大你咖。
伏虎：吹大我？！
奇离怪：不过吹大你以后呢你啲法力就会冇晒，想返天庭嗰阵就会变成白痴。
伏虎：噉咪系啰，变咗白痴同佢接触到都冇用喇。
奇离怪：明唔明呀？当乌云盖月嘅时候，上面监视系最弱嘅，到时呀你静静鸡揾返啲法力家嘛。嘻嘻——
伏虎：使乜咁细声啫？呢度又冇人听到我哋讲嘢。（见到一个大肚婆）大肚婆！就呢个，我上呢个。快手啲呀！
伏虎：我嚟投胎喇。
妇女老公：到你嘞！到你嘞！
妇女：哦！
伏虎：喂喂喂，唔好走开呀！（无奈钻入老太婆肚里便）哎吔，阿婆都要杀喇。
老太婆：急到肚都胀埋！
老坑（惊讶）：喂喂，你个肚？
奇离怪：弊，唔记得把扇添。（将把扇抛入茅厕）补镬。
（茅厕传出婴儿啼哭声）
妇女老公：啊！生嘞！生嘞！（同老坑扼手）
李妻：哎吔！原来要生仔吖！我哋快啲准备啲嘢帮吓人嗱。
妇女老公：老婆呀！生仔定女呀？
妇女：啊！生咗把扇！
老太婆：生咗！生咗㖞。
李妻：生咗喇。嚟啊！嚟啊！（接过个苏虾）快啲围住呢个肚兜喇。呢个肚兜呢系我修缘细细嗰阵就戴过架嘞。而家畀佢戴呢就啱啱好嘞呵？
奇离怪：嗱嗱林吹鬼大你先！（大咗一啲）整多剂！（吹多几下）搞掂！
工人：呢个系咪妖怪嚟咖？
降龙：妖咩怪呀？
工人：老爷，不如报官咯。
李茂春：报咩官呀？我咪系官啰。
李妻：哎吔，由得佢留喺度喇，你睇吓佢个样几趣致，几易凑呀。后者第日佢哋会返嚟凑返个细路呢？
李茂春、降龙、工人：细路？
（街道）
降龙：究竟你系何方神圣？好讲啰㖞。一定系识变戏法嘅，好教我啰㖞。嗱，你重扮低能吓？
降龙：啲“孟孟”喺个姐姐度呀。你过去攞呀。睇你撑到几时？扮懵喇？哎！哗！佢真低唔系假低架㖞。
路人甲：你哋夹计嚟玩我老婆，过唔过瘾嗱？
降龙：撇嘞。
（李府）
李妻：老爷呀，睇白连份粮都唔够佢食呀。
李茂春：睇白都要揾份兼职嘞。
李妻：我哋附近咪有间孤儿院嘅？
李茂春：我李茂春唔会做啲噉嘅事。
降龙：佢已经精灵咗好多架喇。系吖，大食啲！但系我已经教晓咗佢好多嘢，好快就可以自食其力架嘞。睇住嚟。哎！叫我呀！
伏虎：鲍鱼！
降龙：鲍鱼一块一块架嘛。叫我哥哥。叫佢呀。
伏虎：
降龙：乱讲！一份份家嘛。再叫过。
李妻：佢咁细个，边度记得㖞。
伏虎：爸爸！
降龙：啊！终于都中返个嘞啩？哈哈……
伏虎：仔爸爸。
李茂春：总算一场缘分，尽力而为喇。同佢玩一阵好嘞。我去赶埋啲文卷。
李妻：我都要赶埋啲刺绣佢。
（乌云盖月）
伏虎：伏虎罗汉现真身！阿龙！喂，阿龙！你去咗边呀？大佬，我冇几多时间架咋。你听住呀，你系神仙嚟咖，你而家唔知道呢系因为你天灵
盖未开，你记住，行雷嗰阵呢伸个头出去，等个雷劈开你个天灵盖，噉你记得返晒架喇。
降龙：边个鬼杀咁嘈！搞到我屙尿咋啦咋啦？
伏虎：点虫虫！
降龙：虫虫飞！
伏虎：好嘢！
降龙：嘈嘈闭慌唔系又攋尿。睇过！
伏虎：扇扇……
降龙：哎！又玩把烂扇！查实边有得救嘅？真阴功！
（街道）
伏虎：扇扇……
唔系呢把。
（降龙走入诊所）
降龙：啊，大夫呀，唔该帮我睇睇呢坛嘢重有冇得医？
大夫：冇得医。
降龙：明白嘅，我都系问句啫，唔好意思呀。
（走入嚟一个学徒）
学徒：师父呀，王大夫喺屋企出咗事，而家过嚟㖞！
大夫：啊！噉快啲去！
降龙：重有，大夫呀！
（九世鸡出场）
街坊：成张床搬埋出嚟。
九世鸡（骑住一条麻甩佬）：黐线！吹咩？
街坊：死八婆！你知唔知丑咖？日光日白做埋啲咁伤风败嘅嘢。真系贱格呢。
九世鸡：喂！日头伤风架，你知唔知呀？黐线嘅！唔收钱有得畀你哋睇咪有你着数啰。
抬床佬（停低）：唞吓先嗱。
九世鸡：喂！做咩停低呀？喂！我赶时间架。
路人甲：好彩嗰个唔系我呀，嗰个男人就惨嘞。
路人乙：好彩呀！
九世鸡：系咪好钟意睇啫？过嚟吓。
（畀人掟）
九世鸡：边个呀？
降龙：系我掟嘅。（上前）做人有返啲矜持好㖞，姑娘仔。
九世鸡：矜持就冇嘞，肚脐有个，得闲嚟验一验身呀。
降龙：咁冇廉耻，畀雷劈。
九世鸡：喂！得闲都可以过嚟……
降龙：真系劈佢喇，天有眼嘞，劈佢喇。
（雷劈落）
降龙：差咁远咖？嗰便嘞嘛。瞄准啲，再嚟呀。
（个雷劈中降龙）
降龙：降龙罗汉现身，下凡普渡众生。
众人：超！（走晒）
伏虎：妈妈……
降龙：伏虎！为咗帮我要你搞成噉，够雷气！
（转身）
降龙：九世鸡？！你哋大家都系女人，何苦要自相残杀呢？
众人：鸡嚟架㖞。
降龙：鸡都有爱国嘅。
众人（醒悟，然之后喊）：系㖞。
九世鸡：唔该！
降龙：我好快就会返嚟揾你。
九世鸡：喂，你叫咩名啫？
降龙：姓名只系代号，点叫都系一样嘅啫。任你呀！
九世鸡：大啫啫！
降龙：话你呀人哋。重唔行？
伏虎：踎踎！
降龙：行喇。
伏虎：踎踎！
降龙：行喇。
（降龙同伏虎行入寺庙）
土地：大佬呀，等咗你好耐喇。
降龙：贵姓呀施？
土地：土地吖！唉！唔怪得你，你嘅神通重未返嚟。唔使惊，只要攞返你个金身就妥当晒。重有呀，你个金身呀，皇气、黑气都及住晒嘅。上
个月嗰剂就至沓九嘞。
降龙：你系土地定陀地呀？
（两人走入寺庙）
土地：金身就喺呢度。（手指金身）
降龙：清楚晒嘞，金身即系我，我即系金身。
土地：你同我讲冇用架，你同佢哋讲吖嘛。
降龙：系㖞。
土地：哎！你两个头调转咗呀！
降龙：唔系啩？
土地：换返过先嗱。
（伏虎见到木鱼）
伏虎：咩嚟咖？
降龙：木鱼呀！
伏虎：鱼鱼！（扐起木鱼食）
住持（惊讶）：噉都得？
降龙：阻你一阵，听我噏两句嘢先。十三世之前我喺呢间寺度做和尚嘅，到咗八世咁上下呢我就转咗做主持，即系呢个金身圆寂之前嘅圣经大师，然之后就升咗天做神仙。过嚟呢便。（手指降龙罗汉铜像）最后呢就变咗呢个叫做降龙罗汉，即 系我本人。（拉过去另一边）过嚟呢便，
今次我落嚟呢系搞少少嘢，至于搞啲咩嘢就唔使你理架。但我睇你个样呢资质认真麻麻架啫，但我念在你喺呢间寺咁耐呀，冇功都叫做有劳，
一样畀面你，即系喺啲徒弟面前叫声我做师父，够老友嘞啩？重唔攞件衫畀我换？
一徒弟：师父呀，佢癫架㖞。
住持：我都系，我一见到佢就欣赏佢。攞件衫嚟。
降龙：抵惜！
土地：哗！乜你咁快就食晒呀？出便嗰个重大㖞。
（寺外）
土地：呢碌嘢系铁嚟架。唔食得架。喫后便嗰个鼓嘞。求吓你冇咬嘞，唔该！
降龙：师父！巡例帮我起个朵呀！
住持：你咁癫，不如叫济癫呀！
降龙：非常好！
（九世乞儿滚入嚟）
九世乞儿：救命呀！唔好追我！唔好追我！
降龙：九世乞儿？
九世乞儿：唔好呀！
住持：元霸天嗱。
弟子：匿埋先！匿埋先！
土地：弊，元霸天嚟咗呀！去我屋企避避！走！
降龙：喂，土地！
（九世恶人现身）
降龙：九世恶人？
九世乞儿：救命呀！
九世恶人：我都叫咗唔好畀我见到你架喇。我一见到你呀我就扯火呀！
（爆打九世乞儿）
九世乞儿：我都唔想畀你见到咖。唔好埋嚟呀！避你唔到啫。唔好打头呀！唔好打背脊呀！哎吖！哎吖！
（九世乞儿走）
九世恶人：走！我烧你间庙睇你走得去边？烧埋你个臭和尚！
（火畀降龙吹熄）
九世恶人：我要烧你，你够胆吹熄我把火？
（降龙吐咗一涿口水，跟住一拳加埋一脚）
降龙：痛呢？家吓你了解到畀人欺负嘅痛苦呢？放下屠刀，立地成佛！唔好嬲，惜返，听我讲，重新做人。乖猪！
九世恶人：冇可能！冇可能！
降龙：返去闩埋门谂清楚，我好快会再揾你。（走入九世乞儿身边）你唔好乞食嘞，跟我返屋企呀！
九世乞儿：唔好呀！
降龙：惊乜鬼嘢啫？
九世乞儿：唔制吖，唔系吖！
降龙：行喇！
（返到去屋企，屋企一片狼藉）
李妻：仔吖，你做咩搞成噉呀？
降龙：哦！转咗发型啫，几好呀？
李妻：间屋点解会变成噉咖？
李茂春：修缘，你点会惹到元霸天呢啲恶人呀？
伏虎：爸爸！细爸爸！
降龙（读墙上嘅字）：李修缘，我誓要杀你全家，霸天留字。
工人：老爷老爷！佢哋杀晒我嚟全屋嘅畜生呀，连老鼠同曱甴都唔放过呀！
婢女：重有一只曱甴大咗肚架，真系残忍嗱。好彩你跟咗老爷奶奶去拜神咋。
降龙：咁快起到我嘅底吓哗？好嘢！可惜我而家已经唔系李修缘。吓，睇唔出呢手字写得几靓！噫，日子都写埋。呢条友做嘢都算几交带。
李妻：仔吖，屋企畀人搞成噉，你重讲埋啲噉嘅嘢？（李茂春忽感不适）老爷！老爷！（李茂春香咗）你老窦唔得嘞。
降龙：啊！寿终正寝，福气到极点呀！睇睇先！下一个投胎做皇帝㖞。佢又好嘞。
李妻：修缘，你癫咗呀？
中嘞。而家我个新朵就叫做济癫！
李妻：天嗱！我哋李家做错咗啲乜嘢事呀？
降龙：系咯，若然你冇做错事，应该同佢一齐香至啱嘅。
婢女：夫人！
工人：夫人！
婢女：畀个麝香佢嗍吓。快啲喇。
工人：哦哦哦！
降龙：唔好喐！哗！人哋好哋哋，你喺度搞搞震！佢哋呢种叫做鸳鸯蝴蝶命，死亲都一对嘅。佢两个下世将会再续未了，真系羡煞旁人嗱！
工人、婢女：少爷，噉我哋而家点呀？
降龙：咁高兴，梗系斩只鸡返嚟贺贺佢喇。重有你，揾个仵作佬返嚟送佢哋一程。行喇。行喇。快啲！快啲！快啲！
降龙（同九世乞儿讲）：哎！你未走得！瞓一阵又得。
（九世乞儿揾碌木扑晕咗自己）
（鸭栏）
九世乞儿：鸭乖乖，鸭乖乖，你两公婆生咁多，不如整只我顶呀！如果我数三声，你都唔应口呢，即系应承。一二三。（谂住捉只鸭，畀人踢
倒）
降龙：岂有此理！
九世乞儿：哎吖！又系你！
降龙：偷吓嘛？
九世乞儿：你唔好埋嚟！唔好埋嚟！唔好埋嚟！我问过佢两公婆架。
降龙：你问过？（问鸭）佢有冇问过你哋？
鸭：冇呀！冇呀！
九世乞儿：啊？鸭都识讲嘢？
降龙：重有咩说话好讲？
九世乞儿：唔好再拉我呀！梗系佢阿妈勾人哋鹩哥佢先至识讲嘢。
降龙：人哋老母勾边个系人哋嘅自由，几时轮到你嚟。我同你讲，我哋出嚟做人，一定要有返啲自尊，就算想嗒人哋，都要得人同意先得架。
九世乞儿：边有人愿意畀人嗒架？
降龙：超！家吓我想嗒你哋，边个愿意就跟我行呀！
九世乞儿：太伟大嘞！
降龙：抵叫声师父唔抵呢？
九世乞儿：师父！有咩我可以效劳架，即管吩咐我。
降龙：夜嘞，你瞓阵先嗱。
九世乞儿：师父，我同猪一样，日头至瞓架㖞。
（九世乞儿瞓紧）
降龙：大虫！你老窦揾你呀！
九世乞儿：你阿妈揾你呀！我老窦死咗好耐嘞。
降龙：望望呀！
九世乞儿（惊奇）：老窦！你好吗？
九世乞儿老窦：老窦嘅说话你听唔听？
九世乞儿：听。
九世乞儿老窦：听我就以老窦嘅名义同你讲，以后唔准你再揸篼乞食。
九世乞儿：老窦，我恨咗好耐嘞，我再换个大啲嘅砵乞食呀！
九世乞儿老窦：激死呀！
九世乞儿：我个死鬼老窦返嚟揾我，……
降龙：咪讲咁多，入去先嗱。
九世乞儿：入去畀人赶架㖞。（降龙变咗大把金出嚟，九世乞儿惊奇）哗！咁多金嘅？
降龙：兜住个肚。嗱，噉就唔怕畀人赶嘞。
（入去一间食肆）
企堂（见到九世乞儿兜住大把金）：哗！呢位大人请埋便坐呀！（见到济癫）哎吔！你个臭和尚快啲躝出去！（济癫扐起一锭金）哗！两位客
官！埋便坐呀！
（两位坐低）
企堂：两位坐吓先呀！冲碗靓茶畀你饮。
降龙：嗱，你而家想食啲咩同人讲呀！
九世乞儿：我想食鸡屎窟。
降龙：鸡你老母嘅屎窟！你而家有钱架嘞嘛。老虎蟹都叫碗翅嚟啷吓口先嗱。
九世乞儿：系噃。
降龙：叫呀！
九世乞儿：我唔敢叫呀，你帮我叫呀！
降龙：哎！做人连些少自信都冇，点能够会出人头地得架？鼓起勇气嘞嘛。
九世乞儿：畀两日时间我考虑吓。
降龙：玩我呀，僆仔你！讲！
（咬耳仔）
降龙：哎！我要你大声讲到啲街坊都听到嘅。
九世乞儿：畀碗屎……（降龙用扇拍咗吓）
降龙：唔系屎，系翅。
九世乞儿：冇迫我呀！
降龙：你咪咁傻仔得架，讲咗咪冇事啰。听话嘞。
九世乞儿：噉我系想食鸡屎窟嘞嘛。（畀降龙暴打）
降龙：畀碗翅嚟啷口先。
九世乞儿：畀碗翅我啷口喇！（冲出去）
降龙：死仔你真系！哎吖！（见到九世乞儿用乞食）真系激死！（踢一脚）大种，废话我唔想再多讲，睇嘢呀！（变身）呢个就系我本来面目
，降龙罗汉！
九世乞儿：鬼呀！
降龙：咪乱咁嗌吖！鬼噉嘅咩？（变身）嗱，鬼系噉家嘛。
（九世乞儿昏低）
降龙：喂，唔系真系晕吖嘛？
（降龙畀人打）
降龙：边个打我嘅嘴？
路人：扮鬼扮马扮，挂两条猪大肠喺个嘴度嚟吓个乞儿，你真系冇人性架你！去死呀你！去死呀！
九世乞儿：
降龙：家吓啲人真系唔怕鬼㖞。大种，嗱，你家吓你了解晒嘞。
九世乞儿：你真系神仙？
降龙：如假包换！所以你有咩愿望即管同我讲喇，我都可以帮你实现架，讲呀！
九世乞儿：我要你带我上天堂！
降龙：哗！你咁好谂头？！
九世乞儿：我唔要坐喺呢度，呢度做大种乞儿。
降龙：啊？终于畀我，睇到你嘅自尊心。
九世乞儿：我要做一个神仙乞儿。
降龙：哎吖，激死我嘞！激死我嘞！
住持：听朝早课。早啲返嚟休息。
一僧：师父，出便个乞儿点？
住持：我佛慈悲，寺院系大开方便之门。就由得佢喺外面瞓一晚。
（伏虎入嚟寺庙）
（伏虎抢木鱼，木鱼畀主持扐走）
伏虎：鱼鱼！（听到降龙把声）
降龙：
伏虎：哥哥！哥哥！
降龙（手指九世乞儿）：正衰仔！生个叉烧好过生你！
伏虎：叉烧？
（上下大量九世乞儿一番，欲上前食九世乞儿）
伏虎：叉烧！
九世乞儿：我好臭架。唔好食架！
（一旁嘅奇离怪埋去间开两人）
伏虎（见到个月光）：伏虎罗汉现真身！（耷低头见到九世乞儿只手搭喺佢身上）侮辱我呀？
九世乞儿：我畀你吓到攋尿呀！（走开）
（奇离怪走埋嚟）
伏虎：哎！奇离怪？做乜搞到乌歪呀？
奇离怪：我搞到乌歪唯有话你知。我嚟通讯畀你知咋。
伏虎：咩事呀？
奇离怪：你今物私下凡间，上便知道咗嘞，重派咗个瘟神落嚟四处散布瘟疫，到时呢伤几多死几多冚棒冷包你一个人身上。你噉作孽法呀，到
时呢连降你三级都有你份嗱。
降龙（走埋嚟）：又醒返嗱，伏虎？
伏虎：降龙呀，呢单嘢唔关我事架㖞。虽则系啫，但你知上便啲嘢有路逃架嘛。你个人炖冬菇就事小，而家累街坊，搞出咁多人命，你话几择使得架。
奇离怪（摊手）：咪系？
降龙：都唔知系啲咩规矩嚟架！你话我听，边个落命令放瘟疫嘅？
奇离怪：上头啰。
降龙、伏虎、奇离怪（食指向上指）：顶！
伏虎：上头咩人嗱？（奇离怪若有所思）哎！你讲出嚟呀，唔会厾你背脊架㖞。
奇离怪：康乐部呀。
伏虎：喂！康乐部搞旅行架咋㖞。
奇离怪：康乐部同会计部挂钩架。
降龙：会计部出粮架啫。
奇离怪：噉咪系咯。嗱，最弊会计部呢同宣传部大家系黄纸兄弟吖嘛。嗱，又好似宣传部……
伏虎：啊，唔好理佢！喂，阿龙呀，我交返上去呀，你自己保重呀！
降龙：有冇得摱先嗱。
伏虎（拍降龙）：得嘞，小心呀！（拉奇离怪）行啦！
奇离怪（鸡啄唔断）：你话系咪喇？
（瘟疫四散，死人多多）
街坊甲：一晚之内死百几人嗱。
街坊乙：梗系有妖孽呀！
（两人畀九世乞儿绊倒）
街坊乙：死乞儿呀，生咁大个孖疮生死你呀！
（降龙拨吓扇，街坊乙即刻生咗粒孖疮出嚟）
街坊甲：哗！你嗰粒重大呀！
街坊乙（惊恐万分）：哎吖！弊嘞！疮呀！哎吖，我有大孖疮呀！哎吖！死嘞！死嘞！死嘞！哎吖，疮呀！
降龙：定啲嚟呀！生多几粒都重未死。
（突然间有人嗌：降龙！降龙喷酒）
街坊：降龙尊者齐天大圣驾到。
喃呒佬：我知呢度有瘟疫，我就踩上西天，同玉皇大帝讲数，佢叫你哋夹一千两银，等我帮你做一场法事，噉就会消灾解难架嘞。我做呢场法
事呢，可以要我减寿十年架㖞。
降龙：又喺度妖言惑众，阻住瞓觉。（拨吓扇，喃呒佬块面多咗两笪嘢）
街坊（手指喃呒佬块面）：点解你？
喃呒佬：咩咩点解呀？我为咗拯救苍生呀，要我减寿十年我都在所不计吖！
降龙：重讲！吆！（又拨扇，喃呒佬面上又多笪嘢）
喃呒佬：好大牺牲架，知冇？
街坊：点样大牺牲法呀？（见到喃呒佬面上又多笪嘢）哎吖，又多笪嘢呀！
喃呒佬：系吖！系吖！系咩呀？
降龙：重嚟？！变你嘅屎窟上你个嘴都得。（又拨，冇反应）呣？一日三剂！算你好彩！
喃呒佬：即刻去揾个人嚟祭神。
街坊：呀？咩人嗱？
喃呒佬：死咗唔会相干嗰种呀！
街坊：去边度揾嗱？
老妇：颐香院咪大把啰。
街坊：好！好！
喃呒佬：行呀！
一鸡：班衰佬咁早嚟嘅？
若然佢哋唔肯交人，噉点呀？
喃呒佬：关乎全城人嘅安危，点到佢唔肯呀？大家一齐入去，你先。
九世恶人：咩嘢事？（大班人后退）玩边科呀？
街坊：天爷，你知喇，今次瘟疫死咗咁多人。
九世恶人：关我颐香院咩事呀？
街坊：佢哋话呢叫你揾几个姑娘去祭神㖞。
一妓女：点解唔叫你阿妈去呀？
九世鸡：系吖，寻晚你咪讲好憎你老婆，你唔绑佢？
街坊：我知道天爷噉样做好难做嘅。
九世恶人：咩难做呀？呢度冚棒冷都系我啲人，我要佢生就生，叫佢死就死。系咪？
仆人：系吖！
九世恶人：绑几个成日都冇人叫嘅。同我搞掂佢，悭返啲米饭。
众妓女（惊惶失措）：噢！
街坊：哦！唔使咁多，一个半个就够架嘞。
九世恶人：出嚟围个圈。围个圈。佬，瞓低。只脚指向边个边个做。
（佬转圈）
九世鸡：哦！你奸茅！
（只脚最终指向九世鸡）
九世鸡：唔系我呀！你都见到架啦。
众人：拉佢！行呀！
街坊：哗！你收得贵啰。
（九世鸡踢开街坊）
九世恶人（掴咗九世鸡一巴）：喺我颐香院发烂渣？！
九世鸡：唔系吖，唔系我呀！
九世恶人：点祭法？
喃呒佬：盆烧。
九世恶人：噉就有排嘞。嗯！留返只左腿畀我。等我唞返阵。
喃呒佬：执佢沐浴更衣，行！
（九世乞儿同降龙喺祭神现场）
九世乞儿：哗！咁靓，烧咗佢嘥啲㖞。想办法救佢呀！
降龙：靓至救呀？噉烧你唔使救嘞吓哗？
九世乞儿：你把扇真系要等天光先有法力呀？
降龙：与其等天光，不如等我啲法力消失好过呀。哎！我解你听你又明架嘞。
九世乞儿：唔使嘞，你点讲我都唔明架嘞。
降龙：噉你照我说话做呀。
喃呒佬：时辰到！（欲点火）
降龙：咪住，借问声，你点知道烧咗佢就会冇瘟疫呢？
喃呒佬：因为玉帝托梦话我知嘅。
降龙：哦！（示意九世乞儿讲嘢）
九世乞儿：王母娘娘头先话我知，话烧你老母。重话闹你三声呢你块面上面嗰两笪黑嘢就会冇咗嘞。
喃呒佬：黐线嘅，躝开！
降龙：啱时候嘞，闹佢！
九世乞儿：我唔够胆呀！
降龙：契弟！契弟！正契弟！
街坊：哗！……
降龙：嗱，你哋睇吓佢块面，真系重靓过神仙嗱。各位，佢已经同王母娘娘讲掂数。以后唔会再有瘟疫架嘞。即刻放人！
街坊：若然放咗佢，重有瘟疫噉点先？
街坊（缠住九世乞儿）：你话点呀吓？
九世乞儿：唔关我事呀！
降龙：但系噉噃，若然烧死佢都重有瘟疫就要烧埋你哋。嗱，听唔听到呀？重唔放人？
喃呒佬：烧到焗，点放呀？
降龙：揾水嚟淋熄佢嘞嘛。
老妇：唉！街口嗰口井封咗，边系有水呀？
降龙：冇井水啫，求祈乜水都可以攞嚟喇。
街坊：哦！明白！（吐口水）
降龙：哗！你咁勇！避都唔避吓。
九世乞儿：啊？口水嚟咋嘛，怕咩呀？
（降龙吐口水喺九世乞儿身上，然之后冲埋去救人）
九世鸡：唔该晒！
降龙：应该嘅。
（降龙抱住九世鸡返屋）
降龙（放低九世鸡）：你唞吓先嗱。啊！
九世鸡：哎！你唔好走喇。
降龙：放心喇，嗰啲人唔会再嚟烧你嘞。
九世鸡：班衰佬呀，平日喺床上对我咁好，点解要用火烧死我㖞？
降龙：个原因系噉嘅，啲人嚟揾你，就好似坐马桶一样，坐紧嘅时候固然之系好畅快，但系断唔会对个马桶产生感情。
九世鸡：噉即系点呀？
降龙：即系叫你以后冇再做马桶。
九世鸡：我明。（剥降龙嘅衫）
降龙：做咩呀？啊？
九世鸡：我报答你啰。
降龙：咪喇你，真系鸡性难改嘅。
九世鸡：我唔收你嘅钱架㖞。
降龙：哗！大佬，你唔收钱咋㖞，我收㖞。重衰过马桶。你除晓瞓低收钱重晓做啲咩呀？（九世鸡咬耳仔）倒吊都得？唔系吖哗？唔系同你讲
呢啲呀！我系话你可唔可以揾过第二份嘢做，譬如话卖吓豆腐噉得唔得啫？
九世鸡：个档口摆喺门口定喺床边嗱？
（降龙喷血）
九世乞儿：师父！师父！乞到半樽鱼呀！哗！好香呀！有冇我份呀？
降龙：鱼又有你份。
九世乞儿：唔系吖！喂，汁都饮埋呀？
降龙：番狗嚟啫，冇乜味嘅。
九世乞儿：重有嚿呀，试过至知。
降龙：呢只狗生前咬瓜过两个人，家吓我食佢系超度紧佢啫。你要想唧重未够班嗱。
九世乞儿：唔系呢，师父，狗肉穿肠过，徒弟好肚恶呀！拍硬档，留返个嚟算吓。
降龙：过主呀！
九世乞儿：做吓好心呀！
九世乞儿：唔好玩嗱，我知你未吞嗱。
降龙：我顶你个仆街，第二样唔见你咁有斗志，吆！
（九世鸡喺街边摆档兼卖身）
九世鸡：记得攞返条底裤呀。
鸡虫一：攞咗喇。
鸡虫二：乜咁耐架？到我嘞。
九世鸡：入嚟喇。
降龙：玉！
九世鸡：乜系你呀？
降龙：你唔听我说话不得止，家吓重变本加厉。实在太唔自爱。
九世鸡：我照足你吩咐做架。
降龙：你做鸡做到小贩噉样，通街摆档。好意思话照足我吩咐嘅？
九世鸡：错嘞。我卖紧豆腐架。（努嘴）
降龙（见到豆腐）：真系……真系卖豆腐？
鸡虫二：喂，快啲喇。系咪唔做生意架？买一碗豆腐插一镬家嘛，唔做呀？攞返钱嚟啰。
九世鸡：唔系吖！唔系吖！做架！做架！嚟！嚟！嚟！（同降龙讲）多谢你嘅提点呀，家吓生意呀做都做唔切呀！
降龙：佢肯改架，系用错方法架啫。大种，跟我嚟！
九世乞儿：喂喂喂！帮帮忙！帮帮忙！我有少少请求，千祈冇喺呢条街附近呢用头先个名叫我。啊，唔该！
降龙：我叫你咩名呀？
九世乞儿：大种乞儿。
降龙：你个名
九世乞儿：唔好打！唔好打！如果你要打呢，我带你去后巷，任打。呢度会畀小玉见到。我带你去。
降龙：哦！原来要 c喺小玉面前你嘅自尊心先会蒲头呀。我明嘞。
九世乞儿：佢明嘞。
降龙：边个话佢哋冇得救？系人就有得救，上便你班友听住，呢度我嬴硬呀。
（小玉发梦）
小玉：喺呢个世上，除咗佢我边个都唔嫁。（小玉偷睇降龙冲凉）
降龙（转身）：曳呀你！庄人冲凉。
小玉：衰架！唔准讲人哋架吓。
降龙：就系呢个造型，一个好女子就应该系噉样。
小玉（搣自己块面）：都唔痛嘅，我就知你发紧梦架嘞，唔系点会变成噉呀？
降龙：得嘅。（扐出一条毛虫摆喺小玉手掌）
小玉：咩虫嚟架？咁肉酸嘅？咦！
降龙：哎！你睇！（手指毛虫，毛虫经已变做蝴蝶）
小玉：好靓呀！好靓呀！
降龙：玉，既然毛虫可以变蝴蝶，噉鸡都一样可以变凤凰。
小玉：我又要做凤凰，得唔得呀？（畀水泼咗一身，醒返）
小玉：凤凰？（好幸福噉笑）
（黑罗刹府第）
九世恶人：主公，你真系有先见之明。个和尚想做嘅一切，正如你所讲。你有咩吩咐，即管讲。
（颐香院门口）
九世乞儿（畀推向门口）：叫鸡？第日先嗱。（走开，又畀推向门口）唔得闲嗱。
降龙：哎吔，我ung2你得啫。你ung2我？过嚟！
九世乞儿：唔好打呀！
降龙：屎又屙咗，凉又唔使冲，你重有咩嘢做？
九世乞儿：系啫，但系叫鸡，唔识家嘛。
降龙：小玉喺上面等紧佢嘅心上人。
九世乞儿：边个呀？
降龙：佢叫做周日长。
九世乞儿：我？
降龙：一个风度翩翩嘅靓仔。
（降龙同周日长拍掌）
降龙（画外音）：大种，你记住，初更一响就一定要松人。若然唔系，黄金会变返狗屎，大孖疮都会标返晒出嚟。噉样吓亲人无谓呀。
鸡头：有冇相熟小姐呀？
周日长：小玉。
鸡头：佢姨妈嚟㖞。
周日长：哎吖！（有心跌落一锭金，鸡头执返）
鸡头：哎吖！佢姨妈好疏堂嘅啫。不过佢喺度搭住唔接客嘅。
周日长：哎吖！（有心跌落一锭金，鸡头又执返）
鸡头：哎吖！唔紧要，佢耐唔中都要客串嘅，公子跟我嚟喇。
（两人入小玉间房）
鸡头：小玉。
小玉：叫我凤凰呀。
鸡头：官人嗱，不如我吩咐厨房整几味小菜你食先嗱。唔知钟意食咩呢？
周日长：如果有成砵鸡屎窟呢，噉物正嘞。冇咩唔妥呀嘛？
鸡头：识货！
小玉：做盛行呀？
周日长：乞儿！
小玉：啊！原来系你！
周日长：你唔会嫌弃我呀嘛？
小玉：点会呢？我见到你就好似见到阿边个噉。阿边个呢？
周日长：阿边个叫我嚟揾你——
小玉：阿边个叫你嚟揾我做咩事呀？
周日长：阿边个叫我嚟揾你——卖豆腐。
小玉：咦！好衰架。
（门外九世恶人入紧嚟）
降龙：啱晒！顺便搞掂埋你。（向上抛扇，把扇变做一盏灯，降龙换咗个造型）有少林祖师达摩上身，一盏灯时间冇理由搞你唔掂啩？企喺度
。
九世恶人（点手下）：喐佢！
（降龙将两个人打到飞出去）
（啲妓女听到声，起身出嚟睇情况）
众女：咩事呀？睇吓。
（降龙紧握拳头）
降龙：果然有料到。
九世恶人：达摩？
降龙：惊呢？麻甩佬！我睇你个样作恶太多，罪孽深重，我当系做吓善事，带你返去做和尚洗底呀。
九世恶人：去你老母！
降龙：打到你去！（扐出藤条）
九世恶人：开玩笑呀？藤条？
降龙：走去边？冚家富贵，教极唔听。
（激烈战斗）
降龙：服未？
九世恶人：服你老尾！
（小玉同周日长磨紧豆腐）
小玉：原来阿边个系神仙嚟架。
周日长：乜你唔知架咩？
小玉：唔好意思呀，要你咁辛苦。
周日长：冇相干，钟意嘅，钟意嘅。
小玉：要几多转嗱？
周日长：
小玉：记得同阿边个讲，我真系卖埋豆浆架。
周日长：系？
小玉：你估阿边个钟意食咸定甜吖嗱？
周日长：咸嘅。
小玉：落啲榨菜好㖞。
周日长：落啲芝麻重香呀。
小玉：罗汉斋豆浆！
周日长：佢钟意食狗肉架。
小玉：狗肉罗汉斋豆浆。Yeah!（同周日长拍掌）
（摆甫士）
周日长：小玉无敌豆浆霸！
小玉：Yeah!
周日长：哎吖！我嚟叫鸡架噃。
（出便）
降龙：既然系噉，我唯有以报抑报。
九世恶人：铁头功！
（降龙打到九世恶人呕晒血）
降龙：认输未呀？而家叫你做和尚啫，又唔系叫你去死，自己乖乖哋跟我返去。（九世恶人重想顽抗）真系冥顽不灵！（一脚踢开九世恶人）
算嘞，唔做和尚就罢就嘞，总之以后唔好再杀人，得嘞啩？（九世恶人用酒樽扑自己个头）仆你个街！究竟系人定系野兽呀？
（小玉房，小玉同周日长饮紧豆浆）
周日长：钟唔钟意我呀？
小玉：钟意，不过下世先嗱。今世我一定要嫁畀阿边个先甘心嘅。
周日长：噉物系嘅，我都系识咗佢之后先至发觉自己有自尊。
（出便）
济癫：今晚当我买你怕嘞，一人让一步吖嗱。只要你家吓唔上去搞阿玉，我同你笔账第日至算嗱。
（济癫畀插咗一刀，济癫掹出把刀）
济癫：哗！如果唔系我变咗身，咪畀你怼死咗？你个死铲嗱！忍无可忍！（挥刀插九世恶人，最终都系冇插到）
济癫（双手合十）：我佛慈悲！大吉大利！（弊家伙，神灯熄咗，九世恶人大笑）
济癫（走去揾大种）：弊家伙！大种！时辰到嘞！
周日长：边个卖粽呀？
小玉：个档日日都喺度嘅，唔使理佢架。
济癫：啲法术用完晒嘞，走喇！
九世乞儿：仆街嘞，时辰到！哎吖！我变咗去噉样嘞。
小玉：哎吖咩啫？你系乞儿嚟家嘛。
九世乞儿：我要走嘞。
小玉：喂！我哋好朋友呵？
（楼下）
济癫（焦急）：哎吖！重唔落嚟真系！
（出现两条友）
友甲：僆仔，见唔见嗰个满面胡须
济癫：有呀，好似走咗去茅厕嗰便。
友甲、友乙：追！
友乙：企喺度！僆仔，好熟面口㖞！
济癫：两位壮士，怕认错人嗱。
（九世恶人闯入小玉间房）
九世乞儿：啊！——
九世恶人：岂有此理！我叫咗你唔好畀我见到你架喇。重叫霸王鸡？
九世乞儿：唔系吖，我冇叫霸王鸡呀，我有钱架。（扐出一嚿狗屎）死嘞，黄金变……
（九世乞儿畀暴打）
小玉：你唔好打佢喇。佢唔系叫霸王鸡呀！佢系我条仔嚟架。
九世恶人：咁贱？生疮你都要？睇嘢！
（楼下）
济癫：喂！大佬呀！都话唔系我咯！
友乙：你重唔认？
友甲：使乜咁劳气呀？人有相似啫。
友乙：你分明喺度扮鬼扮马！
济癫：我似嗰个满面胡须个叉咩？
友乙：剃咗佢唔得呀？
友甲：剃须边有剃得咁快呀？
友乙：哎吖！你即系帮外人嚟窒我啫。
友甲：讲道理咋噃。
友乙：死嘞！（踢开友甲）
友甲：嗱！系咪呢？而家打亲人嗱。
友乙：咩？发烂渣呀？
友甲：大佬嘅说话你都唔听？
友乙：忍你好耐嘞！
（众人打友甲）
友乙：唔好打我大佬呀！散开！
友甲：仆街呀！
（……）
（小玉房）
小玉：唔好呀！救命呀！
九世乞儿：唔好呀，大人！唔好佢喇，大人！
（九世恶人蹂躏小玉）
九世乞儿：小玉！小玉！
小玉：救命呀！
（九世乞儿怒向胆边生，扐起凳扑九世恶人）
九世乞儿：大嚿衰！
（九世恶人杀死咗大种）
济癫（冲入嚟）：大种！
（济癫入错门，撞到两个基佬）
基佬：做咩入嚟唔敲门嗱？
济癫：对唔住，揾错！
基佬：顺手闩门嗱。食蕉呀！
济癫：对唔住！对唔住！
（行出门撞到大种）
大种：小玉！小玉！
济癫：唉！咁耐都唔落嚟，打回原形嘞？嗱嗱声走喇！
大种：师父！我走唔开！（元霸天喺后面出现）
济癫：元霸天！（济癫畀踢出门外）
九世恶人：死嘞，大种乞儿！
周日长：冇再叫我大种，周日长！（倒地）
济癫：大种！
（友甲、友乙又嚟搞搞震）
友甲：你都害得我哋惨呀！
济癫：大种，你冇死住呀！大种，你顶多阵呀！大种，你唔死得架。
九世恶人：你冇晒法术哩？
济癫：听日有，听日你又知死。
（九世恶人糟质小玉）
济癫：杀你个冚家铲！
九世恶人：唔准过嚟！拧返块面嗱！
（济癫畀掟出颐香院）
友乙：天爷话放你一马，醒定啲呀！
友甲：益晒你喇，睇到眼都眨！
友乙：吓，讲真又几精彩㖞。
友甲：系咯。
九世恶人：呢一次你重唔死？哈哈……
（济癫猛跺地面）
济癫：土地！土地！你喺边嗱？快啲出嚟吖！
土地（蒲头）：喂喂喂！咩嚟咗啰！咁大声做咩呀？
济癫：点样先可以救返大种乞儿？
土地：人嘅生死早有定数，天条规矩，冇得别！
济癫：但系你话冤枉死架，无论如何都要掹返佢上嚟。你快啲同我谂谂办法嘞。
土地：枉死就实落地狱。阎王份人冇偈倾，不过……
济癫：讲喇！
土地：入枉死城之前有一系邪神黑罗刹嘅地头。佢专门收埋啲游魂野鬼。落喺佢手就永不超生。不过，佢就有偈倾。
济癫：噉你快啲带我落去见佢呀！
土地：喂，我系普通料嚟咋，重未有资格落去，唔同你呀，你有金身护住，可以上上落落都冇问题。
济癫：噉我即刻返去攞个金身。
土地：喂喂喂！你唔好攞个金身嚟较飞吖！
济癫：唔得都要得架。
（济癫返去寺庙攞金身，畀主持拉住）
济癫：做咩呀？放手！
住持：师父话个金身唔可以离开间寺架！
济癫：挑！若然离开又如何呀？
住持：唔知。
济癫：噉即系冇事喇，借嚟用用你至多起钉啫。
住持：唔得！
济癫：一晚咁多呢？
住持：唔得！
济癫：一个时辰呢？
住持：唔得！
济癫：噉就大致认架嘞㖞。
住持：唔得！
（打晕主持）
（济癫嚟到黑罗刹地头，黑罗刹拖住大种行）
济癫：喂，僆仔你咪喐！企定！
黑罗刹：咩事？
济癫：放咗佢。
黑罗刹：你系如来佛组呀？
济癫：唔系。
黑罗刹：挑！（一涿口水淋落嚟）
济癫：僆仔，你好冇礼貌呀！我讲你听，我同佛祖系老死嚟，家吓我代表佢攞返呢个人嘅三魂七魄。清楚唔清楚呀？（大脚压下嚟）你够胆？
咪嚟呀！
黑罗刹：正垃圾！叫释家摩尼嚟见我呀！
济癫：冇走住呀！其实我同阿佛祖都唔系好熟架啫。我又唔知你同佢有牙齿印架嘛。（双手合十）当我叫声你大佬。你横竖咁多僆，多件唔多
，少件唔少。嗰件当醒畀我哩。
黑罗刹：我醒畀你有咩着数呀？
济癫：着数？（谂谂吓）一系我帮你修修啲脚甲佢呀，咁长。
黑罗刹：吆！攞个金身嚟交换嗱。
济癫：金身？我个金身唔畀得你架㖞。况且你要嚟都冇用架。
黑罗刹：玩吓都好架。
济癫：哗！冚家铲！你咁抵死架你！好！我换！
济癫（同瞓喺地度嘅大种讲）：大种，我点都要带你返去，你顶喇。
黑罗刹：放低你个金身。（踢开济癫，攞走金身，重吸走大种嘅魂魄）
济癫：你应承同我交换架㖞。你做咩吸走佢嘅魂魄呀？
黑罗刹：仆街喇。
（返番上去）
途人：臭和尚，失惊无神噉飞出嚟！
济癫：哎吖！死火嘞，返番上嚟添。
途人：你唔钟意呀？咪返番落去啰。
济癫：我冇咗个金身，我想返番落去都唔得架。哎吖，呢镬冇阴功呀呢镬，连个金身都畀人呃埋。大种！大种！
（黑罗刹府第）
九世恶人：主公，我一定照你嘅吩咐，帮你完成你嘅大业。
（寺庙里便啲神仙齐齐搬窦）
土地：喂！喂！喂喂喂！唔系噉吓哗？一啲面都唔畀？我话晒都系呢度嘅陀地㖞。（走去济癫身旁）我都话咗呢单嘢制唔过架喇。
济癫：咩事啫究竟？
土地：入便嗰班神仙嗱，佢哋话你同邪魔打交道，个个都唔肯同你埋堆呀，冚棒冷走晒。呢班友返嚟执行礼架啫。对唔住嘞，我就嚟咬长粮，
焗住跟大队嘞，系噉先嘞。
（济癫入去寺庙，啲罗汉像倒晒）
住持：啊？乜搞成噉呀？啲嘢呢？（走去济癫身边）济癫，个金身呢？你死嘞，搞祸出嚟嘞。哎吖！惨嘞，连个土地都唔见埋添。今次闯祸嘞
！哎吖！惨嘞！惨嘞！
（见到主持同班徒弟）
济癫：师父！你去边嗱？
住持：济癫，我都话咗架喇，个金身唔可以离开间寺呀。而家搞到神憎鬼厌，你叫我点担当得起呀？
徒弟（催促）：师父！师父！走喇！快啲走喇！话唔定一个雷劈落嚟，间庙会劈冧呀。
（观音冧咗）
济癫：你都怪我？（拨扇）还原！（把扇烂晒）真系赶到我咁绝？
（街道）
鸡虫：喂，小玉！听讲你寻晚畀天爷玩到残晒㖞。系咪真咖？
鸡虫：哼！唔睬人咖？好巴闭咩？
鸡虫二：系吖，残晒嘞，揾小红好过嘞。
小玉（回头）：等阵！
鸡虫：点呀，小碌蔗？
小玉：我唔收钱你制呀？
鸡虫：制！喂！噉即刻嚟啰。（拉小玉走）
鸡虫二：我都制吖！（拉小玉走）
鸡虫：喂！佢嗌我先架㖞。
鸡虫二：我先嗱。
鸡虫：我先嗱。
济癫：几时轮到你哋呀？我先！
（拉小玉返寺庙）
济癫：你话我听，你要点至开心？
小玉：嫁畀你呀。
济癫：你曳吖你！
小玉：嫁畀你呀。
济癫：噉系咪嫁咗畀我你就唔再做鸡先？
小玉：唔做嘞。
济癫：系咪呀？
小玉：梗系呀！
济癫：娶你。（发誓）我降龙罗汉，法号济癫和尚，今日愿娶白小玉为妻。无论佢前世种种，今生各样，此世永不言悔。
（小玉感动，扑向济癫）
小玉：但系我一双玉臂千人枕，半点朱唇万客尝，你都……
济癫：唔紧要！顶得住！
小玉（拥抱）：Yeah! 你真系咁爱我？
济癫：我好爱你！
小玉：你爱我有几深呀？
济癫：就好似爱大种乞儿一样。
小玉：大种乞儿？你爱边个多啲呀？
济癫：一样。
小玉：吓得我呀！我几惊你爱佢多啲呀！
济癫：唔系唔系，一样！
小玉：Yeah! 点解你唔开心呀？
济癫：Yeah!
小玉：好呀，拜堂呀，拜完堂我哋去埋便洞房，尽快生埋仔。
济癫：要快啲嘞，唔系惊赶唔切。
小玉：点解赶唔切啫？
济癫：因为如果我哋啲神仙同凡人结合，天庭就会惩罚我哋。慢慢会变成一嚿木头。
小玉：呣！唔准你讲呀！（济癫嘅一只手同一只脚变咗成木头）啊！你只脚？
济癫：变紧！
小玉：死僆仔吖，你跣我？
济癫：喂，家吓冇讲其他嘢住，嗱嗱声拜埋个堂佢先嗱。
小玉：我嫁畀个木头做咩呀？你当我懵咖？
济癫：唔紧要，唔紧要，你冇话反口唔嫁得嘞呀！
小玉：嫁你老尾呀嫁！
济癫：发过誓架㖞。
小玉：你发咋嘛。
济癫：嗱，我而家唔理嫁唔嫁都好呀，你应承过你唔再做鸡架吓！
小玉：家阵唔使你理呀！
济癫：你？死僆仔，你跣我呀你呀？
小玉：系吖，我系跣你吖。神仙大晒咩？你对我一啲爱情都冇，你估我唔知呀？我乜都知。
（济癫摊喺地下）
济癫：呢镬输晒嘞呢镬。咩都冇嘞。真系咩都冇。
（小玉毁自己容）
小玉：既然你唔爱我，我就
济癫：冇呀！
小玉：我以后都唔要爱情。（用银针喺面划损自己嘅面）我以后都唔要爱情。
（颐香院 六国大封相）
妓女：救命呀！救命呀！
九世恶人：杀埋你就啱啱好储够七七四十九个人嘅血。我而家就攞济公嘅金身浸落去，佢揾到嚟都废咗武功嘞。
（济癫出现）
九世恶人：终于出现嘞咩？不过都冇用嘞，已经成只死狗噉嘞。
济癫：天字牌蒲头！
（伏虎罗汉同奇离怪从天而降，叠罗汉）
伏虎：罗汉顶。
奇离怪：帮拖。
济癫：扚个冚家铲埋嚟。（九世恶人畀伏虎同奇离怪捉住）
济癫：哼！九世恶人！你估你恶定我恶呀？
九世恶人：你系打我唔死嘅。
济癫：系咩？（暴打九世恶人）恶！睇吓边个恶！睇吓边个恶！打谢你！
伏虎：降龙，我哋同上便讲掂数，只要你肯认输，再连降三级，噉物畀你做返神仙。由于时间冇多，要返上去架嘞。
济癫：搞掂埋佢先。
伏虎：嗱嗱林呀。
济癫：死仆街，一早杀咗你就唔使死咁多人。黑罗刹块皮？
九世恶人：主公同我换咗个千年不死嘅心。你哋玩我唔死嘅。哈哈……
济癫（扐出九世恶人个心）：睇清楚你个千年不死心呀！
九世恶人（惊诧）：啊？石头？点解会噉样架？主公！
伏虎：你呢个叫死心，
九世恶人：主公，你呃我呀！
伏虎：呃你咪呃你啰。你啲噉物蠢材呀，唔呃你呃边个呀？黑罗刹，讲！
九世恶人：点解呃我呀？
奇离怪：讲呀，劈你吖嗱！
唔好呀！好，我讲！当年佛祖为咗唔畀黑罗刹上凡间，就将佢嘅权仗放喺国清寺嘅观音下便。呃你嘅金身，搞到啲神仙走晒。全部都系佢嘅奸计嚟，目的就系要间寺冇晒神力 嘅庇护，噉就趁今晚月阴嘅时候攞返佢嘅权仗。
伏虎、奇离怪：噉物死得人多嘞。
伏虎：降龙，我哋冇时间架嘞。再唔返上去，我哋三个都要留喺凡间度卖蕉嘞，走！
九世恶人：好辛苦！畀返个心我！我唔想死住呀！
济癫：你唔想死？大种乞儿重有呢度几呀条人命，唔通佢哋想死呀？啊？你条命一早已经冇咗，你就算攞返呢嚿烂石头，都只系继续做黑罗刹
嘅败类，继续杀一啲无辜嘅人。你系咪想噉样？系嘅话你攞返佢呀！攞呀！
（九世恶人攞返石心，捏碎个石心）
九世恶人：噉下世冇畀我再做人。
奇离怪：搞掂晒嘞。
伏虎：降龙，走嘞。
济癫：重未得住！
奇离怪：你癫咗咩？而家唔走冇机会走架嘞。
济癫：黑罗刹先系罪魁祸首，我点都要搞掂埋佢。你行先嗱。（走开）
伏虎：降龙！降龙！
奇离怪：喂！等唔到嘞。
伏虎：降龙！降龙！
（济癫返去寺庙）
济癫（揾出权仗）：真系喺度。（同金身讲）而家我同你用佛法将我十三世嘅修为焗晒喺你身上，今晚就靠你撑住架嘞。知吗？
金身：嚟咪嚟。
济癫：好！
（黑罗刹嚟到）
（济癫四窜，突然撞到师父）
济癫：哗！师父！
住持：济癫！
济癫：师父！
住持：济癫！
济癫：师父！
住持：我哋又见返嘞。（黑罗刹慢慢行过嚟）走呀！
济癫：师父！点解你会喺度嘅？
住持：我唔应该喺咁危急嘅关头抌低你一个人架。
济癫：你明知危险重返嚟理我做咩呀？
住持：因为我欣赏嘅人都系你。
济癫：又嚟嘞，走嘞。
（匿埋）
济癫：师父！我个金身已经所剩无几嘞。我而家唯有出最后一招，将剩返呢啲打入黑罗刹嘅身体里便。至有机会将佢克服。
住持：金身你自己又会毁灭架。
济癫：唉！而家唔理得咁多架嘞。
系噉你点打入佢体内呀？
我想劳烦你帮我擘大佢嘅口。
住持：系噉咋嘛。
济癫：制唔制呀？
住持：梗系唔制喇。
师父！师父，你点呀？
我个钵！
济癫：师父，你唔系将啲……
住持：系吖，冚棒冷吞晒。
济癫：啊？系噉嘅关头里便你居然……
住持：你估我想嘅咩？而家我个肚呀都不知几咁唔舒服呀！
济癫：哗！（避开）
济癫：师父，你快啲谂谂办法屙返啲金粉出嚟呀！
住持：我长期便秘架。
（济癫用权仗顶住黑罗刹只脚）
住持：我醒起嘞，金身重有只金牙喺我度呀！
济癫：啊！师父你偷嘢呀！
住持：嘘！我冇牙，借嚟用住先啫。
黑罗刹：死喇！
顶唔住嘞，求你帮我最后一个忙呀。
住持：咩呀？
济癫：谂办法擘大佢嘅口。
（权仗卒之断咗）
（住持大黑罗刹）
住持：我决定施展浑身解数嚟收拾你！
黑罗刹：噉我咩好惊？
住持：嘿嘿！惊呢？
住持：跪低！磕三个响头畀我我就放过你！
黑罗刹：哈哈哈……
济癫：笑得咁过瘾吖嗱？（飞入黑罗刹口内）
住持：济癫！济癫！
（黑罗刹粉身碎骨）
住持：喃呒阿弥陀佛！
（天庭）
王母：系咪呀？我都话佢实输梗家嘛。输梗家嘛。唉！冇得讲架嘞。
观音：输紧？何以大家噉睇法呢？
灶君：好似个大种乞儿，本来佢有廿几年乞食架。临死前重做乞儿架。
月老：重要呀，只鸡划花块面够阴功喇。
王母：哎！重有元霸天嗰单嘢重低呀！临死之前要杀多几条人命添呀。吓，你话几咁几咁咩吖嗱，啊，点讲咩呀？
旁人：失败吖！
王母：系吖！系吖！失败吖。
财神：失败吖！如果当日畀我同佢只抽，抽嬴佢，就唔使搞镬粥喇。
王母：哎！成日都话只抽！
观音：冇错，大种乞儿系枉死，不过佢临死前学识自己叫周日长，即系佢重新攞返佢嘅自尊。你哋睇吓。
王母：有嘢睇㖞。
观音：佢今世唔使再做乞儿嘞。（周日长过住幸福嘅生活）
（镜头转向小玉）
观音：至于小玉，块面虽然系花咗，但系佢已经唔再做鸡，而真真正正去卖豆腐。无恶不作嘅元霸天，我哋都听到佢临死前嘅忏悔系唔想再做人。而家佢已经转入轮回嘞。
（元霸天转世做咗一只猪）
玉帝：今世做猪啫，前途一片光明。
观音：噉大家谂谂，降龙究竟系输定系嬴？
（众人作出反应）
观音：不过点都好，降龙罗汉已经唔再存在嘞。
王母：喂！你跌咗碌嘢呀，好彩我同你执返架喇。
观音：但系又多咗个降龙尊者。
众人：你点会喺度架？哇！做埋专者？
降龙尊者：系呀！轻轻升咗几级啫。
观音：加冕仪式开始。
（众仙百态）
观音：今日你加冕成为降龙尊者，有咩志愿嗱？
降龙尊者：我想成为一个和平使者向凡间宣传爱心，等佢哋明解只要有爱心，边度都系天堂。
（剧终）
|
