《廣州話詞典》網頁版

计带（計帶）　gei³ dai³　計較；在意；介意：任你點都得，佢冇～嘅［隨便你怎麼都成，他不會計較的］｜你講乜我都唔～［你說什麼我也不在意］｜你唔好～呀［你不要介意啊］。
计数机（計數機）　gei³ sou³ géi¹　計算機；計算器。
认叻（認叻）　ying⁶ lég¹　好勝逞強：佢好～［他很好勝逞強］｜咪成日～［別整天在逞強］。
认住（認住）　ying⁶ ju⁶　（又音 ying^6-4 ju⁶）　一種心理作用，心裏想着某種情況，就好像這種情況眞實存在：我總～佢重在生［我總覺得他還活着］。
认低威（認低威）　ying⁶ dei¹ wei¹　服輸；甘拜下風：比過至知，咁容易～嘅咩［比賽過才知道（誰勝誰負），哪有這麼容易就服輸了］？
认真（認眞）　ying⁶ zen¹　（又音 ying^6-2 zen¹）確實；眞是：呢兩日～熱。

三　畫

记认（記認）　géi³ ying⁶　記號：我把刀有～嘅［我的刀是有記號的］。
记起（記起）　géi³ héi²　想起：突然～一件事｜你記得起佢嗎［你想得起他嗎］？
记挂（記掛）　géi³ gua³　掛念；惦念：咁大個仔出門，你唔使～佢嘅［那麼大的孩子出門，你不必惦着他］。

四　畫

讲人事（講人事）　gong² yen⁴ xi^6-2　講人情；講情面。
讲大话（講大話）　gong² dai⁶ wa⁶　說謊；撒謊：唔好～呃人［不要說謊騙人］。
讲开又讲（講開又講）　gong² hoi¹ yeo⁶ gong²　同“講起又講”。
讲古（講古）　gong² gu²　講故事。
讲饮讲食（講飲講食）　gong² yem² gong² xig⁶　講吃講喝。
讲实（講實）　gong² sed⁶　說定：～幾時完成就幾時完成｜～幾多錢一斤［說好多少錢一斤］？
讲三讲四（講三講四）　gong² sam¹ gong² séi³　說三道四；說長論短。
讲话（講話）　gong² wa⁶　說；說的是：隊長～要大家討論一下｜佢～要你快啲翻去喎［他說要你快點回去］｜你大佬～佢唔得閒［你哥哥說的是他沒空］。　（說明：“講”和“話”都是說的意思，“講話”是並列式的合成詞。一般祇在轉達第三者的意見時用。）
^*讲耶稣（講耶穌）　gong² yé⁴ sou¹　說大道理。
讲到话（講到話）　gong² dou³ wa⁶　表示另提一件事，相當於“至於”：～佢呢，唔使理都得咯［至於他，不必管他也可以了］～呢件事，我係唔同意嘅［至於這件事，我是不同意的］。

上頁

下頁