《廣州話詞典》網頁版

上五寸下五寸　sêng⁶ ng⁵ qun³ ha⁶ ng⁵ qun³　小腿骨正面中間的一段：畀佢踢中我嘅～，痛到我碌喺度［給他踢中我的小腿骨中段，疼得我滾在地上］。
上便　sêng⁶ bin⁶　上面：放喺～［放在上面］｜樓～有埞［樓上有地方］。
上昼（上晝）　sêng⁶ zeo³　上午：～上堂，下晝自習［上午上課，下午自習］。
上高　sêng⁶ gou¹　上面（高處）：花樽放喺櫃～［花瓶放在櫃子上面］｜瓦背頂～［屋頂上面］｜～有隻蜜蜂［上面有隻蜜蜂］。
与共（與共）　yü⁵ gung⁶和（多用於書面）青瓜～豆角，都種咗好多［黃瓜和豇豆，都種了很多］。
与及（與及）　yü⁵ keb⁶　以及（多用於書面）：足球、排球～藍球比賽我都鍾意睇［足球、排球以及籃球比賽我都喜歡看］。

三　畫

¹开（開）　hoi¹　①調配：～顏料｜～好啲叻㗎先［先把清漆調好］。　②溶化；稀釋：～鹽水飲｜～牛奶［用煉乳對水調成牛奶］。
²开（開）　hoi¹　辦（酒席）；擺（飯桌）：～咗兩圍［辦了兩桌酒席］｜～檯食飯［擺桌子吃飯］。
³开（開）　hoi¹　助詞。用在動詞的後面，表示動作正在或曾經進行：呢張凳係我坐～嘅［這張凳子是我坐的］｜呢本書你睇～就畀你睇埋先啦［這本書你正在看着就先讓你看完吧］｜我用～嘅嗰把鋤頭去咗邊度［我用着的那把鋤頭哪裏去了］？　（說明：“開”和“緊”都是表示動作正在進行，但“開”除了表示動作正在進行外，還表示曾經進行過，現在可能仍在進行，也可能暫時停止，但今後還要繼續進行，而“緊”祇側重在說話時動作仍在進行。）
开刀（開刀）　hoi¹ dou¹　①動手術。　②（向人）敲竹杠：搵佢～［向他敲竹杠］。　③家禽、魚等切開出售：～魚兩文一斤［切開賣的魚每斤兩塊錢］。
开口枣（開口棗）　hoi¹ heo² zou²　同“笑口棗”。
开口埋口（開口埋口）　hoi¹ heo² mai⁴ heo²　整天掛在嘴上；動不動就說：佢～都話唔想去［他整天都說不想去］｜佢呢兩日心火盛，～都鬧人［他這兩天火兒大，動不動就罵人］。
开气（開氣）　hoi¹ héi³　形容人性格開朗、樂觀：呢個人好～嘅［這個人的性格很開朗］。

上頁

下頁