網站公告列表     要顯示所有粵語字,請下載字體庫  [Highyun  2006年5月22日]        
加入收藏
設爲首頁
搵站長
您現在的位置: 粵語協會 >> 粵語相關文摘 >> 協會會員文摘 >> 文章正文
  懶音之餘更懶惰           ★★★ 【字體:
講開又講:懶音之餘更懶惰
作者:Anl    文章來源:粵語學堂    點擊數:    更新時間:2006-5-11    


    惰性係個個都有,但好多人除咗喺發音方面懶惰之餘,佢哋重覺得唔夠,連喺電腦打隻字都要懶一懶。啲人成日就想打正規字,但佢哋又唔去研究點樣先可以將自己想要嘅字打出嚟,隨便搵個近音近形嘅字代替就算。
    最離譜嘅莫過於將個「嘅」字用「噶」代替。電腦系統明明有個「嘅」字咁好用,佢偏偏就唔去諗辦法打出嚟,搵個「噶」字代替,啲人以爲「噶」同「嘅」近音,但佢又唔去查一查字典有關「噶」字嘅讀音。「噶」音[嘉]或[割],無論音形都有好大區別。究竟到底點解啲人會搵個「噶」字嚟代替「噶」字呢種現象?
    查實因爲啲人用拼音輸入法,以爲「嘅」字拼音係「ge」,點知搵唔到個「嘅」字,覺得「噶」字好似近音,就乾脆採用「噶」字代替就算。呢啲人眞係懶到出汁(我鬧人係好直接,我祇係講心嗰句)。呢啲人根本冇重視打正規字嘅必要,搞到網絡社會到處都係錯字連篇。怪唔得啲撈頭話廣州話冇規範字。其實唔係冇,基本上有音必有字,祇係啲人懶,唔肯翻閱書籍搵知識之源,扮有料。
    我諗而家肯定有人會將「骨骼」一詞讀成[骨絡]呢種笑話(正確讀音係[骨格])。因爲佢哋理所當然噉以爲自己正確,因爲佢哋後天性缺少咗積極。希望呢啲扮有料、扮識嘢而且又懶惰嘅人反省(可能又會有人將「反省」個「省」讀成「廣東省」個[省]音)。

以上內容純屬作者個人觀點,與本網立場無關

文章錄入:Highyun    責任編輯:Highyun 
  • 上一篇文章:

  • 下一篇文章:
  • 發表評論】【加入收藏】【告訴好友】【打印此文】【關閉窗口
    最新熱點 最新推薦 相關文章
    當代人千祈唔好忽視「懶音」…
      網友評論:(祇顯示最新10條。評論內容祇代表網友觀點,與本站立場無關!)
    本網内容版權屬於粵語協會,歡迎轉載本網站之内容,但必須先獲得粵語協會授權,且轉貼文章必須註明出處,否則追究責任,請尊重知識產權。
    *粵備ICP05001099號