家有喜事 （二）
人物介绍:乔宏--周老豆,吴镇宇--周二佬,黄百鸣--周大佬,伍泳薇--
周大嫂
对白如下:
周(对吴):你嗰件几好播,好过冇喔!
乔:堂堂中国人染咩金毛,成咩体统!
周:咁又未必~~!我都谂住听日去染咗佢.
乔:你够胆吖喇,你睇下我批唔批你个头落嚟!
周:我谂住等你瞓着连你个头都染金埋佢!
乔:嗄,你够胆试下吖喇,你睇下我批唔批你个头落嚟!
周:你够胆瞓吖~~!你睇下我染唔染金你个头!
乔:你够胆吖~~~~~!
周:你够胆吖你!!!!
乔:你够胆啊你!
周:你够胆吖你,我染...
乔:你试下..
(黄叫大家去睇六合彩)


（三）
周:(指住个钟)嗐!唔知边个契弟摆旧咁嘅嘢喺我被"斗"入边
伍:呢个闹钟我哋架!
周,黄:(同时用手指指住对方,讲)正契弟!
黄:个闹钟係我特灯放喺你个被"斗"度架!我晚晚放工番嚟呢你都未起
身,我朝朝早番工呢你都未番嚟(周打住喊露)好心你俾啲时间吖嚟
睇我哋间公司啦!
周:毋乱讲嘢啊喇,前年先番过嚟吖!
乔:你知唔知宜家下间公司喺边度?
周:唔係香港就係九龙架啦,再唔係就新界吖笨~!
黄:就啱啱搬咗去离岛长洲!
周:哇!你即係明扇我遮!
伍:细叔啊,你食咗早餐未啊!?
周:你估下!
伍:我估你未食.
周:嗄!好嘢喔!
伍:咁你想食啲咩嘢啊!?
周:打边炉吖!
伍:嗄!?我尽力啊!

（四)
(吴想揾人参加佢个毕业典礼)
吴(对周):恭仔,你呢?
周:我真係好想去,但係我食完呢个早餐太阳都落西山啦!真係冇办法.
吴(对乔):阿爸,你呢?(好谷气咁嘅样)
乔:我要去学滑浪风帆啊!
周:咩话!?你去学滑浪风帆!?
乔:唔得咩!?
周:咪失礼人喇!前年又话去学...学...学乜话!?
吴:潜水呀!
周:学潜水,够胆死喺水底俾人打劫,话俾人抢咗个氧气桶
乔:水底有人箍颈吖嘛!
周:算把啦你!旧年又话去澳门落场砌车,又唔知自己得个单车牌.
乔:喂,你唹够未啊!?娣下你自己嘞,书又唔读,工又唔番,净係伸只手要
钱,生错你啊!
周:啱听吖喇!你未征求我同意就生我住嚟,呢条数未同你计啊,好磅水
添吖!
乔:吖,衰仔!仲搏咀?係咪想打吖!?
周:打咪打咯,嚟吖!(周企咗起身,扯起衫袖,乔都一样)
(镜头变为电视游戏机前嘅两仔爷!原来係抽street fighter!)
周:咩话!?你去学滑浪风帆!?
(呢个时候"K---O"乔输俾周)
周:嘻.....哈.....
乔:笑咩笑,衰仔,我迟早有一日打低你嘅!
周:呢句先好笑吖!哈..........
(周夹起一箸菜落口,唔小心辣亲个口,左手捂住个口)
乔:哈......(到佢笑番次喇)