《廣州話詞典》網頁版

一身蚁（一身蟻）　yed¹ sen¹ ngei⁵　形容招惹了不少麻煩：做呢件事實會惹到～，千祈咪做［做這件事一定會惹很多麻煩，千萬別幹］。
一身筋　yed¹ sen¹ gen¹　辛苦：呢幾日做得我～［這幾天我幹得很辛苦］。
一条气（一條氣）　yed¹ tiu⁴ héi³　①一股勁；一口氣：今日我～走咗兩堂路［今天我一口氣跑了二十公里路］｜佢～抄咗兩萬字［他一股勁抄了兩萬字］。　②氣壞了：畀佢激到我～噉［讓他把我氣壞了］。　③氣喘吁吁：趯到我～［跑得我氣喘吁吁的］。
一系（一係）　yed¹ hei⁶　要麼；或者：～坐車，～坐船｜～你嚟，～我去搵你［或者你來，或者我去找你］。
一张嘢（一張嘢）　yed¹ zêng¹ yé⁵　一元；一塊錢（詼諧的說法）：今餐啱啱食咗～［這一頓飯剛好花了一塊錢］。
一泡气（一泡氣）　yed¹ pao¹ héi³　一肚子氣：佢成日～噉，唔知做乜［他整天一肚子氣似的，不知爲什麼］？激到佢～［氣得他一肚子氣］。
一实（一實）　yed¹ sed⁶　一定；肯定；準：～係咯［一定是了］｜我睇佢～唔制［我看他肯定不幹］｜你噉樣答～冇錯［你那樣回答準沒錯］。
一坺迾　yed¹ pad⁶ lad⁶　（坺，婆辣切；迾，辣。又音 yed¹ péd⁶ léd⁶）　一攤攤的（指糊狀物）：將啲泥搞到～噉［把爛泥搞得一攤攤的］。
一担担（一擔擔）　yed¹ dam³ dam¹　半斤八両：佢兩個一個詐嬌，一個詐嗲，都係～嘅咯［她倆這個撒嬌，那個也撒嬌，都是半斤八両］。
一抽一□（一抽一掕）　yed¹ ceo¹ yed¹ leng³　（□，啦凳切）　一串串的（一般指提着的東西）：菩提子～眞係多咯［葡萄一串串的眞多呀］｜佢拎住～嘅嘢，唔知去邊度［他提溜着一包一包東西，不知道去哪兒］。
一拍行　yed¹ pag³ hang⁴　並排走；肩並肩地走：兩隻船～｜佢兩個～［他倆肩並肩地走］。
一味　yed¹ méi^6-2　總是；祇是；一個勁兒：～挂住玩［總是惦記着玩兒］｜～做，乜都唔理［一個勁兒地幹活，別的都不管］｜佢～喺度畫畫，邊度都唔去［他祇是在那裏畫畫，什麼地方都不去］｜～靠嚇［祇是靠嚇唬人］。　（說明：普通話也有“一味”一詞，但口語用得少，意思是“單純地”，用法與廣州話也不完全相同。）
一度　yed¹ dou⁶　一次；一番：咖啡～［喝一番咖啡］｜西裝～［穿一身西裝］｜風流～［快活一陣子］。

上頁

下頁