| 返回上頁 | |||||||||||||||||||||||||
| A | B | C | D | E | F | G | GU | H | J | K | KU | L | M | N | NG | O | P | Q | S | T | W | X | Y | Z | |
| 一个对（一個對） yed1 go3 dêu3 一晝夜：佢～都未瞌過眼［他一晝夜都沒有合過眼］｜呢啲藥頂得～［這些藥能頂一晝夜］。 一个字（一個字） yed1 go3 ji6 五分鐘：兩點～［兩點五分］。 （說明：“一個字”相當於普通話的五分鐘，“兩個字”是十分鐘，其餘類推。有時省去後面兩個字，祇剩下一個數字，如：兩點四［兩點二十分］｜六點十［六點五十分］。） 一个骨（一個骨） yed1 go3 gued1 四分之一，如果指時間就是一刻鐘，指重量就是四分之一磅，指長度就是四分之一英尺：五點～［五點一刻］｜～牛油［四分之一磅黃油］。 “骨”是英語quarter 的音譯詞。 一于（一於） yed1 yü1 ①堅決：～唔畀佢去［堅決不讓他去］｜我～唔制［我堅決不答應］。 ②一定要；怎麼也…：～搵到佢爲止［一定要找到他爲止］｜～要做好佢［怎麼也要把它做好］。 ③就…：～噉話啦［就這樣辦吧］｜～係噉啦［就這樣吧］。 一天光晒 yed1 tin1 guong1 sai3 問題全解決了，出現大好局面：佢肯幫忙，噉就～喇［他願意幫忙，就什麼問題都解決了］｜呢回～［這下子局面全好了］！ 一支公 yed1 ji1 gung1 孤孤單單的一個（男）人：～喺度做乜［一個人在這裏幹什麼］？｜點解～喺度呀［爲什麼祇有（你）一個人在這裏呀］？ 一日 yed1 yed6 ①總之：～都係佢唔好［總之都是他不好］｜～都怪我係啦［總之都怪我就是了］。 ②整天：～噉搵你［整天找你］。 一日到黑 yed1 yed6 dou3 hag1 ①一天到晚；整天：～都唔得閒［一天到晚都沒空］。 ②總之；歸根結蒂：～都係佢唔好［總之都是他不對］｜～都係佢作怪［歸根結蒂是他在搞鬼］。 一手一脚（一手一腳） yed1 seo2 yed1 gêg3 獨自幹某件事，完成某項工作：等我～做埋啦［讓我一個人繼續把它幹完吧］！｜等佢～做啦，你哋咪插手喇［讓他獨自幹吧，你們別插手了］。 一头…（一頭…） yed1 teo4… 一邊兒…：佢～煮飯～睇書［他一邊兒做飯一邊兒看書］。 一头半月（一頭半月） yed1 teo4 bun3 yüd6 半個月左右：呢次要～至返嚟［這次要半個月左右才回來］。 一头烟（一頭煙） yed1 teo4 yin1 ①形容人非常忙：忙到我～［忙得我夠戧］。 ②同下。 | |||||||||||||||||||||||||
| 上頁 | |||||||||||||||||||||||||