丶部
二至三畫 丫 nga1 丫杈：樹～。
之 ji1 表示語氣的轉折，相當於“但是”、“可”：人哋都做得咁好，～你呢［人家都幹得這麼好，但是你呢］？｜個個都係噉做，～佢偏偏要另出花樣［每個人都這麼幹，可他偏偏要另搞花樣］。
之不过（之不過） ji1 bed1 guo3 連詞。表示轉折關係。 ①後面的句子或分句對前面所說事情作修正性補充，相當於“祇是”、“不過”：佢做嘢好快手，～有時揦西啲［他幹活很快捷，祇是有時馬虎些］｜呢齣電影幾好睇，～攝影技術差啲［這部電影還好看，不過攝影技術差一些］。 （說明：如果與後面的語氣助詞“罷喇”或“之嘛”相呼應，則表示加強前面那個結論的肯定意味。例如：佢哋嘅意見係一致嘅，～講法唔同罷喇［他們的意見是一致的，不過說法不同罷了］。） ②前面先肯定地提出一個事實或結論，然後用它引出在意義上不同的另一個事實或結論。它的作用相當於“但是”：阿爺比五年前老咗好多，～精神重好好［爺爺比五年前老了好多，但是精神還很好］。
之唔系（之唔係） ji1 m4 hei6 可不是：～，我早就話噉樣唔得嘅啦［可不是，我早就說這樣不行的］。
之嘛 ji1 ma5 語氣詞。表示無所謂的語氣，相當於普通話的“罷了”，有時帶有輕蔑的意思：啲咁多～［一點點罷了］。
之噉 ji1 gem2 連詞。用在句首，表示轉折，相當於普通話的“不過”：～，你都應負一部分責任嘅噃［不過，你也應該負一部分責任的］。
为（爲） wei4 計算成本：呢啲嘢～起嚟幾多錢［這些東西算起來多少錢］？｜呢啲磚～五文一百塊［這些磚成本五塊錢一百塊］。
为皮（爲皮） wei4 péi4-2 ①成本：做呢個櫃～要幾多錢［做這個櫃子成本要多少錢］？ ②成本高的：小規模生產太～喇［小規模生產成本太高了］。
…为真（…爲眞） …wei4 zen1 …才是；…才是對的：瞓覺～［睡覺才是］｜食嘢～［吃東西才是對的］。
为得过（爲得過） wei4 deg1 guo3 劃得來：唔～［劃不來］｜加工費五文～［加工費五塊錢劃得來］。
为乜（爲乜） wei6 med1 （乜，物1） 爲什麼：你～唔去［你爲什麼不去］？ |