請先學習香港所謂“正音”：
糾纏：(香港‘正’音)狗纏
強勁：(香港‘正’音)強敬
參與：(香港‘正’音)參預
證券：(香港‘正’音)證勸
刊物：(香港‘正’音)頇物
活躍：(香港‘正’音)活藥
彈丸：(香港‘正’音)彈元
覆蓋：(香港‘正’音)埠蓋
坎坷：(香港‘正’音)扻可
綜合：(香港‘正’音)眾合
購買：(香港‘正’音)夠買
屋簷：(香港‘正’音)屋鹽
糾正：(香港‘正’音)狗正
姓任：(香港‘正’音)姓淫
酗酒：(香港‘正’音)去酒
妖音：(香港‘正’音)腰音
藉口：(香港‘正’音)直口
咄咄逼人：(香港‘正’音)掇掇逼人
構造：(香港‘正’音)夠造
智慧：(香港‘正’音)智衛
    好，大家記住上邊嘅讀音規律，閱讀以下文章：

    狗纏咗好耐嘅正音由一個強敬嘅何文匯教授作後盾，參預呢次正音運動嘅人士有各行政人員、證勸界人士，以及某些頇物都急於跟從，正音運動從此活藥起身，彈元之事埠蓋整個小香港，搞到風風雨雨，休憩自在嘅民眾從此扻可也。眾合電臺電視臺及民間是是非非，人人都要去書城夠買字典，晚晚坐在屋鹽下重新學習狗正發音，連人家個姓都要佢去教人點讀，人家不喜歡淫蕩，威逼人家姓淫。祇准人家去酒不准人家煦酒，否則稱爲腰音，還引述種種直口去爲自己辯護，掇掇逼人，企圖夠造一個屬於佢自己嘅智衛天地。

    將呢段文字讀畀你身邊識聽廣州話嘅朋友聽，你估佢知唔知你讀緊乜吖嗱？佢肯定會話你：你講緊咩呀？我根本唔明你想講乜。
    如果眞係要跟香港嗰套“正音”，則所有講廣州話、廣府話嘅人都要重新學習讀音。所謂“正音”，否決現時群眾嘅讀音，呢啲叫做正音咩？？
    从俗，則爲之正，所謂正，並非常人之所言，又何據爲正？香港所謂“正”並非群眾之所言，何據爲正？

    都係教大家讀番廣州音：
糾纏：(廣州音)斗纏
強勁：(廣州音)強競
參與：(廣州音)參雨
證券：(廣州音)證眷
刊物：(廣州音)罕物
活躍：(廣州音)活約
彈丸：(廣州音)彈婉
覆蓋：(廣州音)複蓋
坎坷：(廣州音)堪呵
綜合：(廣州音)宗合
購買：(廣州音)扣買
屋簷：(廣州音)屋蟬
糾正：(廣州音)斗正
姓任：(廣州音)姓壬
酗酒：(廣州音)去酒(又)煦酒(均可)
妖音：(廣州音)繞音
藉口：(廣州音)借口(又)直口(均可)
咄咄逼人：(廣州音)撮撮逼人
構造：(廣州音)扣造
智慧：(廣州音)智畏

以上內容純屬作者個人觀點，與本網立場無關